كىتاپ جازۋعا ارنالعان كەڭەستەر
استانا. قازاقپارات - كىتاپ جازۋدا ۇلى جازۋشىلاردىڭ كەڭەستەرىن ۇسىنامىز. ولاردىڭ قولدانعان ءادىس-تاسىلدەرى ءسىزدىڭ جازۋىڭىزعا دا ءوز قولتاڭباسىن قالدىرسىن.
ستيۆەن كينگ
دۇنيەگە ايتۋلى بەستسەللەرلەردى اكەلىپ، ۇرەي مەن قورقىنىشتىڭ پاتشاسى اتانعان جازۋشى ءوزىنىڭ «كىتاپتى قالاي جازۋ كەرەك؟» ەڭبەگىندە تىڭ باعدارلاما مەن جوسىقتى ۇسىنىستاردى كەلتىرە كەتكەن ەكەن.
وسى تۇستا ءبىر ايتا كەتەرلىگى، زاماندىق وزىق ويلى جازۋشىمىزدىڭ وسى ءبىر ەڭبەگىن جازۋىنا كولىك اپاتى تۇرتكى بولعان. ءاسىلى، قالامگەر كولىك اپاتىنان كەيىن ءوز ءومىرىن قايتا ءبىر پاراقتاسا كەرەك.
بايانداۋ جازۋشىلىق قيالدان باستاۋ الىپ، جازۋشىلىق قيالمەن اياقتالۋى ءتيىس.
جاقسىراق جازىڭىز جانە بايانداۋدى ەمەس («ول وتىردى»، «مەن تۇردىم»)، مەزگىل مەن ۋاقىتتى ورنىقتى سۋرەتتەۋگە تىرىسىڭىز.
بۇرىشقا ۇستەلدى قويىپ، وعان ءار جولى جازۋعا وتىرعاندا نەگە ونىڭ بولمە ورتاسىندا تۇرماعانىن ەسكە سالىڭىز. ءومىر - ونەردى قولداپ-قولپاشتايتىن جۇيە ەمەس. كەرىسىنشە.
ەگەر سىزدە جاقسى كىتاپ وقۋعا ۋاقىت تابىلماسا، وندا جازۋعا دا ۋاقىت جوق دەگەن ءسوز.
نيل گەيمان
بريتانيانىڭ فانتاست جازۋشىسى كىتاپ جازۋدا تومەندەگى كەڭەستەرىن ۇسىنادى ەكەن:
تۇراقتى (بارلىق ۋاقىتتا) جازىپ تۇرۋ
قاجەت ءسوزدى ىزدەۋ جانە ونى ءتۇرتىپ الۋ؛
باستاعان ءىستى اياعىنا دەيىن جەتكىزۋ؛
ادەبيەتكە باعىنىشسىز قاراپ، وسىناۋ ەڭبەكتى العاش كورىپ وتىرعانداي ءۇڭىلىڭىز، سوسىن پاراقتاڭىز.
ەگەر دە وقىرماندارىڭىزعا ءماتىن ىشىندە ءبىر نارسە ۇناماي قالسا، وندا ادەتتە ويلى دۇنيە ايتىلدى دەگەن ءسوز. ال ەگەر وقىرمان كەڭەس بەرىپ، دالەلدەۋگە تىرىسىپ جاتسا، كوبىنە-كوپ قاتەلىك ورىن الۋى مۇمكىن.
جازعانىڭىزدى تۇزەڭىز. كەرەمەت كەمەلدىلىككە جەتكەنشە، جازعانىڭىزعا قايتا وتىرىپ، ونى قايتا جازۋعا وتىراتىنىڭىزدى بىلىڭىز.
تاپقىرلىعىڭىزعا ءتاۋ ەتىڭىز.
سەنىم مەن بارلىعىن دۇرىس جاساپ وتىرمىن دەگەن سەنىمدىلىك قالاعان، كەز كەلگەن نارسەنى ومىرگە كەلتىرە الماق. وسىنى ۇمىتپاڭىز. شىعارماڭىزدى بارىنشا شىنايى، قولدان كەلگەنشە جاقسىراق جازۋعا ۇمتىلىڭىز.
رەي برەدبەري
برەدبەري «جازۋشىلىق ونەردەگى دزەن» كىتابىندا وزىندىك جەكە ستيل ءتۇزۋ مەن باسپالارمەن كەلىسسوز جۇرگىزۋدەگى ايلا-شارعىلارمەن بولىسەدى ەكەن.
اتالعان ەڭبەك ادەبيەتكە ات باسىن بۇرعان كەز كەلگەن جاس بۋىن ءۇشىن بويتۇمار كىتاپ ەسەپتى دەسەك، قاتەلەسپەيمىز. سەبەبى، تۋىندى ومىرلىك كوركەم اقىل-ويلارمەن توپتاستىرىلعان.
شىعارماشىلىقتاعى باستى قۇپيا - ءوز ويىڭا مىسىققا قاراعانداي قارايلاۋ جانە ولاردى ارتىڭىزدان ەرۋگە ماجبۇرلەۋ.
الەمدىك تۇسىنىك، پايىمىڭىز قايتا قارالاتىن تۋىندىلاردى وقىڭىز.
كۋرت ۆونەگۋت
امەريكالىق قالامگەر ءوزىنىڭ «تاباكەركا باگومبو: توپتاستىرىلماعان اڭگىمەلەر» ەڭبەگىندە جازۋشىلارعا قىسقا اڭگىمە جازۋدىڭ قىر-سىرىن جازىپ قالدىرعان ەكەن:
بەيتانىس وقىرمان ءمان بەرگەن نارسەگە، كوپ ۋاقىت ءبولىپ، اۋرە بولماڭىز.
وقىرماننىڭ بويى تەز ۇيرەنىپ، باۋىر باساتىن كەيىپكەر جاساڭىز.
اڭگىمەڭىزدىڭ ءار كەيىپكەرى ءبىر نارسەگە بولسىن قۇلىقتى بولسىن. ونىسى، ءتىپتى، ءبىر جۇتىم سۋ بولسا دا.
سويلەمدە نە كەيىپكەردىڭ مىنەزى، نە ءىس-قيمىل باياندالسىن.
اڭگىمەنىڭ العاشقى جولدارى تۇيسىكتىك تۇيىندەرگە (لوگيكالىق) ءبىر تابان جاقىن تۇرسىن.
كەيىپكەرلەرىڭىزگە قاتالدىق تانىتىڭىز. وقىرمان ونى تولىققاندى باعالاي الۋ ءۇشىن، كەيىپكەرلەر اۋىر زۇلماتتاردى باستان كەشۋى ءتيىس.
جالعىز ادامعا ارناپ جازىپ جاتقانداي سويلەم ءتۇزىڭىز، سەبەبى، بارلىعىنا جاعامىن دەپ، ءوز وقيعاڭىزعا قايعىلى ۇكىم شىعارۋىڭىز ابدەن مۇمكىن.
شيەلەنىستى ساقتاماي، اقپاراتتىڭ ءبارىن بىردەن جايىپ سالىڭىز. مۇنىڭ سىرى، وقىرمان ءسىزدىڭ اڭگىمەڭىزدى ءوز بەتىمەن اياقتاي الۋى ءتيىس.
ەرنەست حەمينگۋەي
جازۋشى ءوزىنىڭ جازۋ ماشىعى جايلى ايتۋدىڭ بوس ءسوز ەكەنىن العا تارتسا دا، وسى كۇنى كەيبىر اڭگىمەلەرىندە، سۇحباتتارىندا، حاتتارىندا كەڭەستەرى قالعان:
بىرىنشىدەن، تالانت، ۇلكەن تالانت قاجەت. كيرلينگتىڭ دارىنى بولسا. سوسىن ءتارتىپ. فلوبەردىڭ ءتارتىبى. سوسىن پروزانىڭ قالاي جايىلاتىنى تۋرالى انىق-قانىق تۇسىنىك پەن پاريجدەگى مەتر-ەتالونداي وزگەرىسكە ەش ۇشىرامايتىن ار-ۇيات بولۋى ءتيىس.
جازۋشىعا ينتەللەكت پەن ادال نيەتتىلىك، سونىڭ ىشىندە ومىرشەڭدىك ەپتىلىك كەرەك. مۇنىڭ بارلىعى، ءوز كەزەگىندە، ءبىر بەت-ءپىشىن ىشىندە جازۋشىنىڭ ىشكى الەمىن قازىپ، تۇيگەن اسەرلەردىڭ بارلىعىن جەڭىپ شىعۋى ءتيىس. ءتىرى قالىپ، ەڭبەكتى اقىرىنا دەيىن جەتكىزۋ قيىننىڭ قيىنى سانالادى.
جاقسى كىتاپتاردىڭ ءبىر-بىرىنە ۇقساستىعى، ولاردىڭ ءومىر اقيقاتىنان الىسقا ۇزاماي، سونداعى وقيعالار ءبىر باسىڭىزدان وتكەندەي اسەر قالدىراتىندىعى: جاقسىلىق پەن جاماندىق، وكىنىش پەن قايعى، ادام بالاسى، مەكەن مەن اۋا رايى دا. ەگەر دە ءسىز وسىنىڭ بارلىعىن ادامدارعا بەرە الساڭىز، دەمەك ءسىزدىڭ ناعىز جازۋشى بولىپ اياققا تۇرعانىڭىز.
جاقسى جازۋشىنىڭ بار دارىنى - شالالىقتىڭ (حالتۋرانىڭ) سابىرلىلىققا تولى دەتەكتورى. جازۋشىلىق رادار بۇگىندە جاقسى اۆتورلاردىڭ بارلىعىندا بار.
مەن سىزدەرگە ءومىر بويىنا العاش كورىپ تۇرعانداي قارادىم.
كونستانتين پاۋستوۆسكي
پاۋستوۆسكي ءوزىنىڭ «التىن روزا» ەڭبەگىندە جاس جازۋشىلارعا ارنالعان قىزىقتى ويلارىن قالدىرعان.
ويلاۋ - نايزاعاي سەكىلدى، ادام ساناسىندا پىسىپ جەتىلگەن ويلارمەن، جادىداعى سەزىمدەر مەن اسەرلەرمەن تۇزىلەدى. كەرنەۋدىڭ شيەلەنىسكەن دەڭگەيىنە جەتكەن كۇنى وسىنىڭ بارلىعى وعىن جۇمساۋعا دايار تۇرادى. سوسىن بارىپ تىعىزدالعان، بەي-بەرەكەتى شىققان الەم نايزاعاي تۋعىزادى - ويلاۋ.
پروزادا بايقاعىشتىقتىڭ ءوزىن «جازۋشىلىق مىندەت» ءۇشىن جاساۋعا بولمايدى. قاجەتى بولعاندا، ولار وزدەرى العا شىعىپ، ءوز ورىندارىنا بارىپ تۇرا قالماق.
مارك تۆەن
«توم سويەردىڭ باستان كەشكەندەرى» كىتابىنىڭ اۆتورى اشتى مىسقىل ويلارى مەن تانىمال ەسكەرتپەلەرمەن تانىلعان:
«وتە» دەپ جازعىڭىز كەلگەندە، ءار ۋاقىتتا «اسانى» قولدانىڭىز.
ماقالا جازۋعا ەڭ كۇشتى ۋاقىت - ونى وزىڭىزگە جازىپ بولعان ۋاقىت.
وي بارلىق ادامدا بار. ءبىراق ماتىنگە سىيدىرا الاتىن قابىلەت بارلىعىندا بىردەي جوق.
«ايەل ايقايلادى» دەپ جازباڭىز، ونىڭ ءوزى ايقايلايتىن دارەجەگە جەتسىن.
ۇلى كىتاپتار ۇعىنىقتىلىعىمەن، كەرەمەت گرامماتيكاسىمەن ەمەس، ستيلى مەن جازىلعان وي-تۇيىنىمەن باعالانباق.
چاك پالانيك
جازۋعا ەش قۇلشىنىس بولماسا، اسحانا تايمەرىن ءبىر ساعاتقا قوسىپ قويىپ، جازۋعا وتىرىڭىز. ەگەر ءبىر ساعاتتان سوڭ جازۋدان جۇدەپ كەتسەڭىز، ءبىر ساعاتقا دەمالىپ الساڭىز بولادى. دەگەنمەن، ادەتتە تايمەر قوسىلعان ۋاقىتتا جازۋعا كىرىسىپ كەتىپ، ودان ءلاززات الىپ، توقتاي الماي قالاتىن ساتتەر بولادى.
كىر جۋۋ مەن ىدىس-اياق جۋۋ سەكىلدى ءىس ارەكەتتەر ويلاردىڭ جيناقتالۋىنا، سۇرىپتالۋىنا الىپ كەلەدى. وقيعانىڭ اياعىن جالعاستىرا الماساڭىز ... ەدەندى تازالاڭىز. نە بولماسا، توسەك توسەنىشىن اۋىستىرىڭىز. كومپيۋتەردىڭ شاڭىن ءسۇرتىڭىز. جاقسى ويىن جاقسى كەزدە ورالماق.
وقىرمان سەن ويلاعاننان اقىلدىراق، اڭگىمەنىڭ فورماسىن وزگەرتۋگە جانە ۋاقىتتىق اۋىتقۋلار جاساۋعا قورقاقتاماڭىز. البەتتە، كينو ءبىزدى اككى قىلىپ قويعان. دەي تۇرا، وقىرماندى تاڭعالدىرۋ قاتتى قيىن دا ەمەس.
كىتاپتىڭ اقىر اياعىنا دەيىن نە بولاتىنىن بىلۋگە ءتيىستى ەمەسسىڭ. شىندىعىندا، ءبىلىپ تۇرساڭىز، ونى ءتۇسىرۋ ازاپقا تۇسەدى.
ءوزىڭىز وقىعىڭىز كەلەتىن كىتاپتاردى وقىڭىز.
دايىنداعان: اكەجان داكەن
ماسساگەت
