كيەۆتە ا ق ش ەلشىلىگى اتتاشەسىنىڭ دەنەسى تابىلدى
استانا. KAZINFORM - ا ق ش- تىڭ ۋكرايناداعى ەلشىلىگى بۇعان دەيىن كيەۆ حيلتون قوناقۇيىندە دەنەسى تابىلعان ديپلوماتتىڭ قايتىس بولعانىن رەسمي تۇردە راستادى، دەپ حابارلايدى ت ا س س اقپارات اگەنتتىگى.
«ءبىز كيەۆتەگى ەلشىلىكتە ميسسيا باسشىسىنىڭ باسشىلىعىمەن جۇمىس ىستەگەن ا ق ش ۇكىمەتى قىزمەتكەرىنىڭ قايتىس بولعانىن راستايمىز»، - دەلىنگەن ەلشىلىكتىڭ تۇسىنىكتەمەسىندە.
وزگە مالىمەت قۇپيالىلىق ماقساتىندا بەرىلمەيدى.
25-ماۋسىمدا ۋكراينانىڭ «سترانا» باسىلىمى قۇقىق قورعاۋ ورگاندارىنداعى دەرەككوزدەرىنە سىلتەمە جاساپ كييەۆتەگى Hilton قوناقۇيىندە جەرگىلىكتى ۋاقىت بويىنشا ساعات 11:00 شاماسىندا ۋكرايناداعى امەريكا ەلشىلىگى اتتاشەسىنىڭ دەنەسى تابىلعانىن حابارلادى. بۇل رەتتە ديپلومات دەنەسىنەن زورلىق-زومبىلىق بەلگىلەرى بايقالمادى، دەپ ءتۇسىندىردى باسىلىم.
ونىڭ مالىمەتىنشە، ديپلومات ۋكرايناعا 15-ماۋسىمدا كەلگەن. ا ق ش ەلشىلىگى بەرگەن مەديتسينالىق جازبالارعا سايكەس، ەر ادامنىڭ قانىنىڭ قۇرامىندا حولەستەرين كورسەتكىشى جوعارى بولعان.
