كىسى ولتىرگەن: تالدىقورعاندا ىزدەۋدە جۇرگەن قىلمىسكەر شۋچەدەن تابىلدى

كوكشەتاۋ. KAZINFORM - بۇرىن كىسى ولتىرگەنى ءۇشىن سوتتى بولعان قىلمىسكەر اقمولا وبلىسى اۋماعىندا جاسىرىنىپ جۇرگەن جەرىنەن ۇستالدى.

اقمولا وبلىسى پ د باسپا ءسوز قىزمەتىنىڭ مالىمەتىنشە، قىلمىسكەردى كريمينالدىق پوليتسيا بولىمشەلەرىنىڭ قىزمەتكەرلەرى «قۇقىقتىق ءتارتىپ» جەدەل- الدىن الۋ ءىس- شاراسىن وتكىزۋ بارىسىندا شۋچە قالاسى اۋماعىندا قولعا تۇسىرگەن.

«ەر ادام قىلمىستىق كودەكستىڭ 99-بابى (كىسى ءولتىرۋ) بويىنشا بۇرىن سوتتالعان، پروباتسيالىق باقىلاۋدان جاسىرىنعانى ءۇشىن تالدىقورعان قالالىق پوليتسيا باسقارماسى تاراپىنان ىزدەۋ جاريالانعان. قازىرگى كەزدە ول قاماۋعا الىندى»، - دەدى ۆەدومستۆودان.

جالپى، «قۇقىقتىق ءتارتىپ» جەدەل- الدىن الۋ ءىس- شاراسى باستالعاننان بەرى (21-ناۋرىزدان باستاپ) اقمولا وبلىسىندا 2 مىڭنان استام اكىمشىلىك قۇقىق بۇزۋشىلىق انىقتالدى، ونىڭ 150 قوعامدىق ورىنداردا الكوگولدىك ماس كۇيدە بولۋ، 176 ۇساق قۇقىقبۇزۋشىلىق، 143 كامەلەتتىك جاسقا تولماعانداردىڭ تۇنگى ۋاقىتتا تۇرعىن ۇيدەن تىس جەردە بولۋ دەرەگى.

پاترۋلدىك پوليتسيا باتالونى مەن روتاسىنىڭ قىزمەتكەرلەرى ماساڭ كۇيدە اۆتوكولىك باسقارعان 36 جۇرگىزۋشىنى جانە جىلدامدىقتى شامادان تىس اسىرعان 1 مىڭعا جۋىق ادامدى ۇستادى.

سونىمەن قاتار، ۋچاسكەلىك پوليتسيا ينسپەكتورلارى تۇرعىلىقتى جەرى بويىنشا پروفيلاكتيكالىق ەسەپتە تۇرعان 2 مىڭ 687 ادامدى تەكسەردى. اكسيا ناۋرىزدىڭ 31 نە دەيىن جالعاسادى.

ايتا كەتسەك، بۇدان بۇرىن اقمولا وبلىسىندا ىزدەۋدە جۇرگەن 5 قىلمىسكەر ۇستالعانىن جازعان ەدىك.