كيپر ناتو-عا كىرۋگە نيەتتى

استانا. KAZINFORM - كيپر رەسپۋبليكاسىنىڭ پرەزيدەنتى نيكوس حريستودۋليدەس ەلىنىڭ ۆاشينگتونمەن سولتۇستىك اتلانتيكالىق اليانسقا كىرۋ جولدارى تۋرالى كەلىسسوزدەر جۇرگىزىپ جاتقانىن ايتتى.

بۇل تۋرالى DW حابارلادى.

كيپر رەسپۋبليكاسىنىڭ پرەزيدەنتى نيكوس حريستودۋليدەس ءوز ەلىنىڭ ناتو-عا مۇشە بولۋ نيەتىن راستادى. بەيسەنبى، 28-قاراشادا ول جۋرناليستەرگە نيكوسيانىڭ ۆاشينگتونمەن اليانسقا قوسىلۋ جولدارى تۋرالى كەلىسسوزدەر جۇرگىزىپ جاتقانىن ايتتى.

ونىڭ ايتۋىنشا، تۇركيانىڭ قارسىلىعىنا بايلانىستى كيپر رەسپۋبليكاسىنىڭ ناتو- عا مۇشە مەملەكەت بولا الماۋى ەل ارمياسىن مودەرنيزاتسيالاۋ ءۇشىن دە، اسكەري تەحنيكا الۋ ءۇشىن دە كوپتەگەن مۇمكىندىكتەردەن ايىرادى.

نيكوس كريستودۋليدەس كيپردىڭ ناتو مەن امەريكا قۇراما شتاتتارى ارقىلى، سونداي-اق ە و قورعانىس باعدارلامالارى ارقىلى جاڭا مۇمكىندىكتەر ىزدەپ جاتقانىن انىق كورسەتتى. حريستودۋليدەس كيپردىڭ باستى ارتىقشىلىعىن ارالدىڭ «ەرەكشە گەوستراتەگيالىق ماڭىزى بار ايماقتا» گەوگرافيالىق ورنالاسۋىن اتادى.

ول سونداي-اق، ارالدىڭ اسكەري-تەڭىز جانە اۋە بازالارىن مودەرنيزاتسيالاۋ تۋرالى شەشىمدەر قابىلدانعانىن جانە كيپردىڭ تەڭىز نىساندارىنا قاتىستى ە و- مەن جانە اۋە كۇشتەرىنە قاتىستى ا ق ش- پەن كەلىسسوزدەر جۇرگىزىپ جاتقانىن راستادى.

- بۇل تۋرالى نەعۇرلىم از ايتساق، ماقساتىمىزعا سوعۇرلىم جاقىن بولامىز، - دەپ جاۋاپ بەردى پرەزيدەنت ناتو- عا كىرۋگە ىقتيمال ءوتىنىش بەرۋ ۋاقىتى تۋرالى سۇراققا.

كيپردىڭ ناتو- عا قابىلدانۋى ماڭىزدى پرەتسەدەنت بولۋى مۇمكىن. اليانس ەرەجەسىنە سايكەس، اۋماقتىق ماسەلەسى شەشىلمەگەن مەملەكەت وعان كىرە المايدى. كيپر رەسپۋبليكاسى اتتاس ارالدىڭ شامامەن %60 باقىلايدى. كيپردىڭ ناتو- عا مۇشە بولۋىنىڭ كەلەشەگى كيپر جانجالىن شەشۋگە جانە تۇركيامەن قارىم-قاتىناستى جاقسارتۋعا تىكەلەي بايلانىستى.

وسىعان دەيىن كيپر قازاقستاندا ەلشىلىك اشۋدى جوسپارلاپ وتىرعانى تۋرالى جازدىق.

اۆتور

جاراسقان نۇرىبايەۆ