ۇكىمەتتىڭ جۇمىسىنا جاڭا سەرپىن بەرۋ قاجەت - پرەزيدەنت
استانا. KAZINORM - ۇكىمەتتىڭ جۇمىسىنا جاڭا سەرپىن بەرۋ قاجەت. بۇل تۋرالى ءماجىلىستى جالپى وتىرىسىندا مەملەكەت باسشىسى قاسىم-جومارت توقايەۆ ايتتى.
«جاڭا ەكونوميكالىق دامۋ جاعدايىنا بەيىم بولىپ، كەز كەلگەن قاۋىپ- قاتەرگە توتەپ بەرۋ ءۇشىن ۇكىمەتتىڭ ءوزى دە تولىق قايتا جاندانۋعا دايىن بولۋى ءتيىس. سونىڭ ارقاسىندا وزەكتى ماسەلەلەرگە جاڭا كوزقاراسپەن قاراپ، ناعىز رەفورماتورلىق شەشىمدەر قابىلداۋ مۇمكىن بولماق. جالپى، ۇكىمەتتىڭ جۇمىسىنا جاڭا سەرپىن بەرۋ قاجەت دەپ ويلايمىن. بۇكىل قوعامنىڭ كۇتىپ وتىرعانى وسى. سول سەبەپتى كەشە مەن پرەمەر- مينيستر ءاليحان اسحان ۇلى سمايىلوۆتىڭ وتستاۆكاسى تۋرالى ءوتىنىشىن قابىلدادىم. ءاليحان اسحان ۇلىنىڭ باسشىلىعىمەن ۇكىمەت ەل ەكونوميكاسىندا جانە الەۋمەتتىك سالادا تۇراقتىلىقتى قامتاماسىز ەتتى. قارقىندى دامۋعا قاجەتتى ماڭىزدى قادامدار جاسادى»، - دەدى پرەزيدەنت.
ايتا كەتەيىك، قازىرگى ۋاقىتتا ماجىلىستە پرەمەر- مينيستر لاۋازىمىنا ولجاس بەكتەنوۆتىڭ كانديداتۋراسى تالقىلانىپ جاتىر.
