13:34, 20 - قاڭتار 2024 | GMT +5
ۇكىمەتتە ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيانىڭ وتىرىسى ءوتتى
ۇكىمەتتە ق ر پرەمەر-ءمينيسترى ءاليحان سمايىلوۆتىڭ توراعالىعىمەن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيانىڭ وتىرىسى ءوتتى، دەپ حابارلايدى ۇكىمەتتىڭ باسپا ءسوز قىزمەتى.
جيىندا جەكەشەلەندىرۋدىڭ 2021-2025-جىلدارعا ارنالعان كەشەندى جوسپارىن ىسكە اسىرۋدىڭ، ونەركاسىپتى، تاۋ-كەن مەتاللۋرگيا كەشەنىن جانە گەولوگيالىق بارلاۋدى دامىتۋدىڭ، سونداي-اق «قازاق تەلەكوم» ا ق موبيلدى وپەراتورلارىنىڭ ءبىرىن باسەكەلەستىك ورتاعا بەرۋدىڭ وزەكتى ماسەلەلەرى قارالدى.
ورتالىق مەملەكەتتىك ورگاندار، «سامۇرىق-قازىنا»، «قازاق تەلەكوم» جانە «تاۋ-كەن سامۇرىق» كومپانيالارى باسشىلارىنىڭ قاتىسۋىمەن وتكەن تالقىلاۋ قورىتىندىسى بويىنشا مەملەكەتتىك كوميسسيا ءبىرقاتار ءتيىستى شەشىمدەر قابىلدادى.
