ۇكىمەتتە «G4 City» جوباسىن ىسكە اسىرۋ ماسەلەسى تالقىلاندى

 ۇكىمەتتە پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە الماتى وبلىسىندا «G4 City» جوباسىن ىسكە اسىرۋ ماسەلەلەرى تالقىلاندى، دەپ حابارلايدى قازاقپارات. 

Үкіметте «G4 City» жобасын іске асыру мәселелері талқыланды
Фото: Үкіметтің баспасөз қызметі

جۇرگىزىلىپ جاتقان جۇمىستار تۋرالى ۇلتتىق ەكونوميكا ءمينيسترى الىبەك قۋانتىروۆ پەن الماتى وبلىسىنىڭ اكىمى مارات سۇلتانعازيەۆ بايانداما جاسادى.

ۇكىمەتتىڭ باسپا ءسوز قىزمەتى مالىمەتىنشە، تالقىلاۋ قورىتىندىسى بويىنشا پرەمەر-مينيستر ۋاكىلەتتى مەملەكەتتىك ورگانعا ءبىرقاتار تاپسىرما بەردى.

ەسكە سالا كەتەيىك، تۇجىرىمداماعا سايكەس الماتى جانە قونايەۆ قالالارىنىڭ ارالىعىنداعى ينتەگراتسيالانعان G4 City قالاسى ءتورت اۋداننان تۇراتىن بولادى:

Gate - ىسكەرلىك جانە قارجىلىق ورتالىق؛

Golden - ءبىلىم بەرۋ جانە مەديتسينا سالالارى بويىنشا حابتار؛

Growing - ونەركاسىپتىك جانە لوگيستيكالىق حابتار؛

Green - تۋريستىك كلاستەر.

بيىل كوكتەمدە الماتى وبلىسىندا 2048 -جىلعا دەيىن جالپى اۋدانى 30 مىڭ گەكتار بولاتىن «G4 City» ارنايى ەكونوميكالىق ايماعى قۇرىلدى. بۇل ينتەگراتسيالانعان قالانى قۇرۋعا وتاندىق جانە شەتەلدىك ينۆەستيتسيا تارتۋ ءۇشىن قولايلى كليماتتى قامتاماسىز ەتەدى.

سوڭعى جاڭالىقتار