ۇكىمەت جۇمىسىندا جەتىستىكتەر دە، قاتەلىكتەر دە بولادى - ولجاس بەكتەنوۆ

استانا. KAZINFORM - ۇكىمەت ءوز جۇمىسىندا مەملەكەت مۇددەلەرىن ءاردايىم ءبىرىنشى ورىنعا قويادى. بۇل تۋرالى پارلامەنت پالاتالارىنىڭ بىرلەسكەن وتىرىسىندا پرەمەر-مينيستر ولجاس بەكتەنوۆ ايتتى.  

- بىرىنشىدەن، وزدەرىڭىزگە العىس ايتقىم كەلەدى. بۇگىنگى ۇكىمەت ەسەبىن تالقىلاۋ وتە كونسترۋكتيۆتى تۇردە ءوتتى. ارينە، ەكونوميكالىق دامۋ ماسەلەلەرى توڭىرەگىندە الۋان ءتۇرلى پىكىر بولادى. ۇكىمەت جۇمىسىندا جەتىستىكتەر دە، قاتەلىكتەر دە بولادى. ءومىر بولعاننان كەيىن قاتەلىكسىز بولمايدى. ءبىراق، ەڭ باستى ايتاتىنىم، ۇكىمەت ءوز جۇمىسىندا مەملەكەت مۇددەلەرىن ءاردايىم ءبىرىنشى ورىنعا قويادى. سوندىقتان الداعى ۋاقىتتا دا ورتاق جۇمىسىمىز جەمىستى بولسىن، - دەدى ولجاس بەكتەنوۆ.

ايتا كەتەيىك، ۇكىمەت ۇيىندە پارلامەنت پالاتالارىنىڭ بىرلەسكەن وتىرىسى ءوتتى.

بۇدان بۇرىن پرەمەر-مينيستر ولجاس بەكتەنوۆ پارلامەنت پالاتالارىنىڭ بىرلەسكەن وتىرىسىندا بيۋدجەت تاپشىلىعىن قالاي تومەندەتەتىندەرىن ايتتى.