ۇكىمەت باسشىسى وڭىرلەردى سيفرلاندىرۋ تۋرالى: اكىمدىكتەر جەتكىلىكتى كوڭىل بولمەيدى
استانا. KAZINFORM - ۇكىمەت باسشىسى ولجاس بەكتەنوۆ وڭىرلەردە سيفرلىق ينفراقۇرىلىم تولىق قامتاماسىز ەتىلمەگەنىن ايتتى.
«وڭىرلەردە سيفرلىق ينفراقۇرىلىم تولىق قامتاماسىز ەتىلمەگەن. اكىمدىكتەر بۇل ماسەلەگە جەتكىلىكتى كوڭىل بولمەي كەلەدى. وڭىرلىك حابتارعا قارجىلىق جانە ينفراقۇرىلىمدىق قولداۋ كورسەتۋ وتە ماڭىزدى. سيفرلىق دامۋ مينيسترلگىنە ءوڭىر اكىمدىكتەرىمەن بىرگە استانا-حابتى دامىتۋ، وڭىرلىك حابتاردى قولداۋ جانە IT- سالادا ەكسپورتقا باعدارلانعان باعىتتاردى دامىتۋ ءۇشىن قولايلى جاعدايلار جاساۋ جونىندە شارالار قابىلداۋدى تاپسىرامىن»، - دەدى ولجاس بەكتەنوۆ ۇكىمەت وتىرىسىندا.
ودان ءارى پرەمەر-مينيستر IT- سالانىڭ جوعارى بىلىكتى ماماندارىن دايارلاۋ ماسەلەسىن كوتەردى.
«استانا- حابتا ۇزدىك حالىقارالىق تاجىريبە ەسكەرىلىپ، قاجەتتى جاعدايلار جاسالعان. جاڭادان قۇرىلاتىن جاساندى ينتەللەكت ورتالىعى جاس تالانتتاردى تارتۋ نۇكتەسىنە اينالۋعا ءتيىس. تسيفرلىق دامۋ، عىلىم جانە جوعارى ءبىلىم، وقۋ-اعارتۋ مينيسترلىكتەرىنە استانا-حابپەن جانە وڭىرلىك حابتارمەن ءوزارا تىعىز بايلانىستا وتىرىپ، ودان ءارى دامۋ جانە وقىتۋ تۇجىرىمداماسىن جاساۋدى تاپسىرامىن. وقۋ بىتىرگەن مامانداردىڭ سانىن كوبەيتۋ ماقسات ەمەس، ولاردىڭ دايارلىق ساپاسىنا باسا نازار اۋدارۋ قاجەت. ۇزدىك الەمدىك ادىستەمەلەردى نازاردا ۇستاپ، سيفرلىق ءبىلىم مەن داعدىلاردى ارتتىرۋ تاسىلدەرىن ۇنەمى جاڭارتىپ تۇرعان ءجون»، - دەيدى ول.
بۇعان دەيىن حابارلاعانىمىزداي قازاقستان جارتى جىلدا 306 ميلليون دوللارعا IT- قىزمەتتەردى ەكسپورتتادى.
سونداي-اق ۇكىمەت وتىرىسىندا قازاقستاندىق IT- مامانداردىڭ جالاقىسى %54 عا وسكەنى ايتىلدى.
