ۇكىمەت اپتاپ ىستىق پەن جاۋىننان شىعىنعا باتقان شارۋالارعا قالاي كومەكتەسپەك
ق ر پرەمەر-ءمينيسترى ءاليحان سمايىلوۆتىڭ توراعالىعىمەن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيادا وتاندىق اۋىل شارۋاشىلىعى تاۋارىن وندىرۋشىلەردى قولداۋ شارالارى قارالدى، دەپ حابارلايدى Kazinform اگەنتتىگى ۇكىمەتكە سىلتەمە جاساپ.

مەملەكەت باسشىسىنىڭ بيىلعى اۋا رايى قولايسىزدىعىنان زارداپ شەككەن اۋىل شارۋاشىلىعى تاۋارىن وندىرۋشىلەرگە قاجەتتى قولداۋ كورسەتۋ جونىندەگى تاپسىرماسىن ورىنداۋ اياسىندا مىناداي شارا قابىلداۋ ۇسىنىلدى:
- فورۆاردتىق ساتىپ الۋ اياسىندا «ازىق-تۇلىك كورپوراتسياسىنىڭ» ساتىپ الۋ باعاسىن 3 كلاستى بيداي ءۇشىن 120 مىڭ تەڭگە جانە 4 كلاستى بيداي ءۇشىن 105 مىڭ تەڭگە مولشەرىندە بەلگىلەۋ؛
- فورۆاردتىق ساتىپ الۋ جانە تاۋارلىق نەسيە بويىنشا فەرمەرگە مىندەتتەمەلەردى ايىپپۇل تولەمدەرىنسىز اقشالاي قاراجات ارقىلى نەمەسە %1,05 نا %5 كوەففيتسيەنت بويىنشا 3 كلاستى بيدايدى 4 كلاسقا اۋىستىرۋ ارقىلى ورىنداۋعا مۇمكىندىك بەرۋ؛
- مىندەتتەمەلەردى ورىنداۋعا مۇمكىندىگى جوق اۋىل شارۋاشىلىعى تاۋارىن وندىرۋشىلەر ءۇشىن بانك سىياقىسىن %3 كولەمىندە وتەي وتىرىپ، شارتتى ورىنداۋ مەرزىمىن 1 جىلعا ۇزارتۋعا مۇمكىندىك بەرۋ.
تالقىلاۋ قورىتىندىسى بويىنشا مەملەكەتتىك كوميسسيا مۇشەلەرى ۇسىنىلعان شارالاردى قولدادى.
پرەمەر- مينيستر ۋاكىلەتتى مەملەكەتتىك ورگاندارعا اۋىل شارۋاشىلىعى تاۋارىن وندىرۋشىلەرگە قولداۋ كورسەتۋ جونىندەگى جۇمىستى دەرەۋ باستاۋدى تاپسىردى.
اۆتور
جانات قاپالبايەۆا