ۇكىمەت اگروونەركاسىپ كەشەنىن دامىتۋ ءۇشىن جاڭا تاسىلدەر ەنگىزىپ جاتىر

үкімет
Фото: ҚР Үкіметі

  استانا. KAZINFORM - ۇكىمەتتە ق ر پرەمەر- ءمينيسترى ءاليحان سمايىلوۆتىڭ توراعالىعىمەن وتكەن كەڭەس قورىتىندىسى بويىنشا ءتيىستى قۇجات بەكىتىلدى.

مەملەكەت باسشىسى قاسىم-جومارت توقايەۆ 5 جىل ىشىندە اۋىل شارۋاشىلىعى سالاسىن دامىتۋدىڭ جاڭا دەڭگەيىنە شىعارۋ جانە جالپى ءونىم كولەمىن 2 ەسەگە ارتتىرۋ جونىندە ناقتى مىندەتتەر قويدى.

وسى ماقساتتا اگروونەركاسىپ كەشەنىنىڭ ءاربىر باعىتى بويىنشا شارالار قاراستىرىلعان جول كارتاسى ازىرلەندى.

ماسەلەن، رەسپۋبليكادا ەگىس القاپتارىن ءارتاراپتاندىرۋ جانداندىرىلادى، بۇل ىلعالدى كوپ قاجەت ەتەتىن داقىلداردىڭ ۇلەسىن ازايتادى جانە جوعارى رەنتابەلدى وسىمدىكتەر، مىسالى، مايلى داقىلدار ءوندىرىسىنىڭ كولەمىن ارتتىرادى.

سونىمەن قاتار سۋ ۇنەمدەۋ تەحنولوگيالارىن ەنگىزۋ، تىڭايتقىشتاردى قولدانۋ دەڭگەيىن ارتتىرۋ جانە اۋىل شارۋاشىلىعى تەحنيكاسىن قارقىندى جاڭارتۋ جوسپارلانعان.

سونداي- اق جول كارتاسىنا ءىرى جانە ۇساق مال باسىن كوبەيتۋگە، ەت پەن استىق وڭدەۋدى ارتتىرۋعا، ءسۇت- تاۋارلى فەرمالاردى جانە باسقا دا نىسانداردى ىسكە قوسۋعا باعىتتالعان شارالار دا ەنگىزىلگەن.

جول كارتاسىن جۇزەگە اسىرۋ اگروونەركاسىپ كەشەنىنىڭ جالپى ءونىمىن 2028 -جىلعا قاراي 2 ەسەگە ارتتىرىپ، 17 تريلليون تەڭگەگە دەيىن جەتكىزۋگە مۇمكىندىك بەرەدى.

پرەمەر- مينيستر العا قويىلعان مىندەتتەرگە قول جەتكىزۋ ءۇشىن اۋىل شارۋاشىلىعى جانە سۋ رەسۋرستارى مينيسترلىكتەرى وڭىرلەردىڭ اكىمدىكتەرىمەن بىرلەسىپ، جۇمىس ىستەۋ تاسىلدەرىن قايتا قاراۋ قاجەت ەكەنىن باسا ايتتى.

«اكىمدىكتەر مەن مينيسترلىكتەر تاراپىنان اتالعان كورسەتكىشتەرگە قول جەتكىزۋگە تۇراقتى باقىلاۋ ورناتۋ قاجەت. بۇگىندە ءبىز جۇمىسىمىزدا جاڭا تاسىلدەر قابىلداپ جاتىرمىز. وبلىس اكىمدىكتەرى جول كارتاسىندا كوزدەلگەن ءوز كورسەتكىشتەرىنىڭ ورىندالۋىن قامتاماسىز ەتۋى كەرەك. بۇل ءۇشىن جەكە جاۋاپكەرشىلىك ارتىلادى»، — دەدى پرەمەر-مينيستر.

اۆتور

جانات قاپالبايەۆا

سوڭعى جاڭالىقتار