ۇكىمەت الەۋمەتتىك ماڭىزى بار ازىق-تۇلىك قۇنىن رەتتەۋدەن باس تارتۋى مۇمكىن بە
ساۋدا جانە ينتەگراتسيا ءمينيسترى ارمان شاكقاليەۆ الەۋمەتتىك ماڭىزى بار ازىق-تۇلىك قۇنىن رەتتەۋدەن بىرتىندەپ باس تارتۋ ۇسىنىسىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«ءبىز نارىقتىق ەكونوميكا جاعدايىندا ءومىر ءسۇرىپ جاتىرمىز. سايكەسىنشە مۇندا سۇرانىس پەن ۇسىنىس ماڭىزدى. سوندىقتان نارىقتىق ەكونوميكادا قوسىمشا رەتتەۋ تەتىكتەرى قاجەت. تۇراقتاندىرۋ قورلارىندا جالپى اينالىمداعى تاۋاردىڭ %5-7 ساقتالادى. ول قىسقا مەرزىمگە عانا جەتەدى. جۇيەلى جۇمىس ءۇشىن ءبىز حالىقتىڭ وسال توپتارى بار ەكەنىن باستى نازاردا ۇستاۋىمىز كەرەك. ولاردىڭ ارزان ءونىم الۋىنا مۇمكىندىك جاساۋ قاجەت. ءبىز وسى باعىتتا جۇمىس ىستەپ جاتىرمىز»، - دەپ ءمالىم ەتتى ارمان شاققاليەۆ ب ا ق وكىلدەرىنىڭ قاتىسۋىمەن وتكەن باسپا ءسوز ماسليحاتىندا.
ونىڭ ايتۋىنشا، تاۋار بالانسىنا تالداۋ جاساۋ ارقىلى ەلىمىزدىڭ قانداي ونىمدەر بويىنشا يمپورتقا تاۋەلدىلىگى بار ەكەنىن انىقتاۋ قاجەت.
قوسا كەتسەك، وسى بريفينگىدە ءسوز العان ساۋدا كوميتەتىنىڭ ءتوراعاسى ايدار ابىلدابەكوۆ كەيبىر وڭىرلەردەگى كاسىپكەرلەر ءبيدايدى قىمبات باعامەن ساتىپ جاتقانىن ايتتى. ونىڭ دەرەگىنە ساي، باسەكەلەستىكتى قورعاۋ جانە دامىتۋ اگەنتتىگى استىق قۇنىن نەگىزسىز كوتەرگەندەرگە تەرگەۋ جۇرگىزەدى.