ۇكىمەت 10 ۇلتتىق جوبا مەن ەكى مەمباعدارلامانىڭ كۇشىن جويدى

Үкіметте 5G желісін дамыту, Каспий теңізі арқылы талшықты-оптикалық желілерді тарту мәселесі талқыланды
Фото: Үкімет

استانا. KAZINFORM - قارجى ءمينيسترى ءمادي تاكيەۆ پارلامەنت پالاتالارىنىڭ بىرلەسكەن وتىرىسىندا مەملەكەتتىك باعدارلامالار مەن ۇلتتىق جوبالاردىڭ ىسكە اسىرىلۋ دەڭگەيىنە توقتالدى.

«2022-جىلدان باستاپ ۇكىمەت جوبالىق باسقارۋدىڭ بەلگىلەنگەن ولشەمشارتتارىنا سايكەس كەلەتىن ۇلتتىق جوبالاردىڭ جاڭارتىلعان تىزبەسىن ايقىنداۋ جۇمىستارىن جۇرگىزدى. بيۋجەتتىڭ مۇمكىندىكتەرى مەن باسىمدىقتارىن ەسكەرە وتىرىپ، 3 ۇلتتىق جوبا قابىلداندى. ولار: «جايلى مەكتەپ»، «اۋىلدا دەنساۋلىق ساقتاۋدى جاڭعىرتۋ»، «قولجەتىمدى ينتەرنەت». اتالعان جوبالاردى ىسكە اسىرۋعا ءتۇرلى كوزدەردەن 625,2 ميلليارد تەڭگە، ونىڭ ىشىندە رەسپۋبليكالىق بيۋجەتتەن 536,4 ميلليارد تەڭگە ءبولىندى»، - دەدى ول.

مينيستر قالعان 10 ۇلتتىق جوبا مەن 2 مەملەكەتتىك باعدارلامانىڭ كۇشى جويىلعانىن ەسكە سالدى.

«بۇگىنگى كۇننىڭ وزەكتى تاقىرىبى - مەملەكەتتىك بورىش ماسەلەسى. حالىقتىڭ ەرەكشە نازارىنداعى بۇل سۇراق، دەپۋتاتتىق كورپۋس تاراپىنان ءجيى كوتەرىلەدى. اتاپ وتكەنىمدەي، بۇگىنگى تاڭدا بارلىق بەلگىلەنگەن بورىشتىق كوۆەنانتتار ساقتالۋدا. جۇرگىزىلىپ وتىرعان مەملەكەتتىك بورىشتى باسقارۋ ساياساتى بەلگىلەنگەن قارجىلىق شەكتەۋلەر قاتاڭ ساقتالىپ جۇزەگە اسىپ جاتىر. سونىمەن قاتار، ءبىز قابىلدانعان مىندەتتەمەلەردىڭ اشىقتىعى مەن ايقىندىعىن ارتتىرۋ بويىنشا جوعارى اۋديتورلىق پالاتا باستامالارىن نازارعا الامىز»، - دەدى ءمادي تاكيەۆ.

سوڭعى جاڭالىقتار