كەپىلدەندىرىلگەن تەگىن مەديتسينالىق كومەكتىڭ ءبىرقاتارى ەندى ساقتاندىرۋ ەسەبىنەن كورسەتىلەدى

استانا. KAZINFORM - تەگىن مەديتسينالىق كومەكتىڭ كەپىلدەندىرىلگەن كولەمى (ت م ك ك ك) پاكەتىندەگى اۋرۋلاردىڭ ءبىر بولىگى مىندەتتى الەۋمەتتىك مەديتسينالىق ساقتاندىرۋ جۇيەسىنە (م ءا م س) اۋىستىرىلادى. دەنساۋلىق ساقتاۋ ءمينيسترى اقمارال ءالنازاروۆا مۇنى قىركۇيەكتە ۇكىمەت ۇيىندە وتكەن باسپا ءسوز ءماسليحاتىندا ءمالىم ەتكەن بولاتىن. بۇل نە ءۇشىن قاجەت؟ قانشالىقتى ءتيىمدى جانە قاشان جۇزەگە اسىرىلادى؟ وسى وزگە دە سۇراقتارعا جاۋاپ ىزدەپ كورگەن ەدىك.

مەديتسينالىق كومەكتىڭ ءبىرىڭعاي پاكەتىن قالىپتاستىرۋ

ەلىمىزدە 2020 -جىلدان باستاپ مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلدى. جۇيە مەديتسينالىق قىزمەتتەردى 2 كوزدەن - رەسپۋبليكالىق بيۋدجەتتەن تەگىن مەديتسينالىق كومەكتىڭ كەپىلدەندىرىلگەن كولەمى (ت م ك ك ك) جانە مىندەتتى الەۋمەتتىك مەديتسينالىق ساقتاندىرۋ (م ءا م س) اكتيۆتەرىنەن قارجىلاندىرۋ كوزدەلگەن. وسىلايشا، مەديتسينالىق قىزمەتتىڭ 2 پاكەتى (ت م ك ك ك جانە م ءا م س) قۇرىلدى.

«قارجىلاندىرۋ كوزىن انىقتاۋدىڭ نەگىزگى كريتەرييلەرى اۋرۋلار ءتىزىمى بويىنشا جاسالدى، ءبىراق ءبىرقاتار قىزمەت 2 پاكەتتە دە قايتالاندى. قارجىلاندىرۋدىڭ بۇل ءتۇرى مەديتسينالىق ۇيىمداردىڭ ماماندارى ءۇشىن دە، پاتسيەنتتەر ءۇشىن دە قولايسىزدىقتار تۋعىزدى. سونىمەن قاتار، ءارتۇرلى كوزدەن قارجىلاندىرۋدا پاتسيەنتتىڭ ساقتاندىرىلعان تۇلعا رەتىندە نەمەسە ت م ك ك ك شەڭبەرىندە قانداي مارتەبەگە يە بولاتىندىعى تۇسىنىكسىز، ياعني ستاتسيوناردا ەمدەلگەن جاعدايدا، كونسۋلتاتسيالىق- دياگنوستيكالىق قىزمەتتەر مەن سكرينينگتىك زەرتتەۋلەر كەزىندە. بۇگىندە ونكوسكرينينگتەردىڭ ءبىرىنشى كەزەڭى ت م ك ك ك ەسەبىنەن، ال ەكىنشى كەزەڭى م ءا م س جۇيەسى ارقىلى قارجىلاندىرىلادى. دەمەك، پاتسيەنت ساقتاندىرىلماعان جاعدايدا سكرينينگتىڭ 2-كەزەڭى بويىنشا قىزمەت الا المايدى، بۇل نىسانالى توپتى ونكوسكرينينگتەرمەن قامتۋدىڭ %30 عا دەيىن تومەندەۋىنە اكەلدى»، - دەپ ءتۇسىندىردى دەنساۋلىق ساقتاۋ مينيسترلىگىنەن.

سونىمەن قاتار COVID-19 پاندەمياسى كەزىندە رەسپۋبليكالىق بيۋدجەتكە تۇسەتىن اۋىر جۇكتەمەگە بايلانىستى تەگىن مەديتسينالىق كومەكتىڭ كەپىلدەندىرىلگەن كولەمى قىزمەتىنىڭ ءبىر بولىگى م ءا م س-كە اۋىستىرىلدى.

بۇگىندە بالالار، جۇكتى ايەلدەر، زەينەتكەرلەر، ستۋدەنتتەر، مۇگەدەكتىگى بار جاندار، جۇمىسسىزدار، تاعى وسى سياقتى بارلىعى 15 سانات بويىنشا حالىق ساقتاندىرۋ جارناسىن تولەپ جاتىر. بۇل دەگەنىمىز - بۇل ساناتتاعىلاردى مەملەكەت قورعايدى جانە ولار ساقتاندىرۋ مارتەبەسىنە قاراماستان مەديتسينالىق كومەكپەن قامتىلادى. جالپى 17 ميلليون قازاقتاندىق نەمەسە

حالىقتىڭ %83 ى مەديتسينالىق ساقتاندىرۋ مارتەبەسىنە يە.

ت م ك ك ك جانە م ءا م س قاتارىن تولىقتىرۋ نە ءۇشىن قاجەت؟

قوس مەديتسينالىق پاكەت قىزمەتىن وڭتايلاندىرۋداعى ماقسات - قايتالاۋدى بولدىرماۋ جانە اشىقتىقتى قامتۋ. سونىمەن قاتار پاتسيەنتتىڭ ساقتاندىرۋ مارتەبەسىنە قاراماستان حالىققا بازالىق كومەكتىڭ قولجەتىمدىلىگىنە كەپىلدىك بەرۋگە مۇمكىندىك بەرەدى.

«مىندەتتەمەلەردىڭ نەگىزگى بولىگى دەنساۋلىق ءۇشىن ورتاق جاۋاپكەرشىلىك قاعيداتتارىندا ساقتاندىرۋ ەسەبىنەن ورىندالادى. بۇل ءتاسىل پاتسيەنتتەردىڭ دارىگەردىڭ نۇسقاۋلىعىن ساقتاۋعا، سالاۋاتتى ءومىر سالتىن ۇستانۋعا جانە سوزىلمالى دەرتكە شالدىققان ناۋقاستاردى باقىلاۋدى ىنتالاندىرادى دەپ سانايمىز. م ءا م س جۇيەسىنە ازاماتتاردىڭ قاتىسۋىن ەسكەرە وتىرىپ، الەۋمەتتىك وسال توپتاعى جانە سوزىلمالى اۋرۋلارى بار پاتسيەنتتەردى مەديتسينالىق كومەكپەن قامتۋ - بۇگىندە شامامەن %85 جانە 2027 -جىلى بۇل كورسەتكىش 98 پايىزعا دەيىن ۇلعايادى دەگەن بولجام بار. مەديتسينالىق كومەكتىڭ قولجەتىمدىلىگى بولىگىندە تۇبەگەيلى ەشتەڭە وزگەرمەيدى»، - دەيدى مينيسترلىكتەن.

سونىمەن قاتار دەنساۋلىق ساقتاۋ مينيسترلىگى مەديتسينالىق كومەك جۇيەسىن جەتىلدىرۋ شەڭبەرىندە ساقتاندىرۋ مارتەبەسىنە قاراماستان مەملەكەتتىك بيۋدجەت ەسەبىنەن سوزىلمالى اۋرۋلاردى دياگنوستيكالاۋ جانە ەمدەۋ ءۇشىن قاجەتتى قىزمەتتى كوزدەيتىن مەديتسينالىق كومەك كەپىلدىكتەرىنىڭ بازالىق پاكەتىن قايتا قارادى.

پاتسيەنت ەسكەرەتىن جايتتار

مەملەكەت باسشىسى حالىققا جولداۋىندا مەديتسينالىق قىزمەتتەردىڭ قولجەتىمدىلىگىن ءارى اشىقتىعىن قامتاماسىز ەتەتىن ءبىرىڭعاي جۇيە قالىپتاستىرۋعا باسا نازار اۋداردى. ءبىرىڭعاي مەديتسينالىق كومەك پاكەتى دەنساۋلىق ساقتاۋ جۇيەسىندەگى مەملەكەتتىك كەپىلدىكتى ناقتى ايقىندايدى.

2025 -جىلدان باستاپ تەگىن مەديتسينالىق كومەكتىڭ كەپىلدەندىرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ قىزمەتىن وڭتايلاندىرۋ كەزەڭ-كەزەڭىمەن جۇزەگە اسىرىلادى.

2025 -جىلى بارلىق 13 الەۋمەتتىك ماڭىزى بار اۋرۋدى ت م ك ك ك جۇيەسىندە ەمدەۋ قالادى. ونىڭ قاتارىندا:

. تاۋلىك بويى جانە كۇندىزگى ستاتسيونار

. ديناميكالىق باقىلاۋ

. امبۋلاتوريالىق ءدارى-دارمەكپەن قامتاماسىز ەتۋ (تۋبەركۋلەز، پسيحياتريا/ناركولوگيا، ونكولوگيا، ونكوگەماتولوگيا)

ا ي ت ۆ\ج ي ت س، جۇيكە جۇيەسىنىڭ دەگەنەراتيۆتى اۋرۋلارى، ورتالىق جۇيكە جۇيەسىنىڭ دەميەلينيزاتسيالىق اۋرۋلارى، سەرەبرالدى سال اۋرۋى، ورفاندىق اۋرۋلار، جەدەل ميوكارد ينفاركتىسى، ريەۆماتيزم، ەندوكريندىك جۇيەنىڭ اۋرۋلارى، تاماقتانۋدىڭ بۇزىلۋى جانە مەتابوليكالىق بۇزىلۋلار، دانەكەر ءتىننىڭ جۇيەلى زاقىمدانۋى، باۋىر سيرروزى بار سوزىلمالى ۆيرۋستىق گەپاتيت) اۋرۋلار.

سول سياقتى ديناميكالىق باقىلاۋعا جاتاتىن اۋرۋلاردىڭ 9 توبى:

1. اريتميا

2. اتريالدى فيبريللياتسيا جانە دىرىلدەۋ

3. ارتەريالىق گيپەرتەنزيا

4. تومەنگى تىنىس جولدارىنىڭ سوزىلمالى اۋرۋلارى

5. گلومەرۋليارلىق اۋرۋلار

6. براحيوتسەفاليالىق ارتەريالاردىڭ ەكستراكرانيالدى اۋرۋلارى

7. جۇرەكتىڭ يشەميالىق اۋرۋى

8. سوزىلمالى ينتەرستيتسيالدى نەفريت

9. دانەكەر ءتىنىنىڭ جۇيەلىك زاقىمدانۋى، جۇرەك كلاپاندارىنىڭ زاقىمدانۋى، ەپيلەپسيا) ت م ك ك ك جۇيەسىندە قالادى.

سونداي-اق، ت م ك ك ك جۇيەسى اياسىندا:

. جەدەل مەديتسينالىق كومەك

. جۇقپالى اۋرۋلاردى ەمدەۋ

. امبۋلاتوريالىق دياليز

. شۇعىل جاعدايلاردا ەمدەۋ

. شەتەلدە ەمدەۋ

. قان پرەپاراتتارىمەن قامتاماسىز ەتۋ

. پاللياتيۆتىك كومەك

. مەيىربيكەلىك كۇتىم

. پاتولوگيالىق-اناتوميالىق دياگنوستيكا

ساقتاندىرىلماعاندار ءۇشىن شۇعىل ستاتسيونارلىق كومەك بۇرىنعىداي كورسەتىلەدى.

2025 -جىلدان باستاپ دەنساۋلىق ساقتاۋ مينيسترلىگىنىڭ باستاماسى بويىنشا بارلىق ونكوسكرينينگ ت م ك ك ك پاكەتىندە قولجەتىمدى بولادى (قازىر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنە وزگەرىستەر ەنگىزۋ بويىنشا جۇمىس جۇرگىزىلىپ جاتىر).

2025 -جىلدان باستاپ مەديتسينالىق ساقتاندىرۋى بار ازاماتتار ءۇشىن العاش ەنگىزىلەتىن قىزمەتتەر:

جەدەل سەرەبروۆاسكۋليارلىق بۇزىلىستاردى ەرتە دياگنوستيكالاۋ جانە الدىن الۋ ءۇشىن براحيوتسەفاليالىق تامىرلاردىڭ ۋلترادىبىستىق زەرتتەۋى

جۇرەك تامىرلارىنىڭ زاقىمدانۋىن ەرتە دياگنوستيكالاۋ جانە ميوكارد ينفاركتىسىنىڭ الدىن الۋ ءۇشىن امبۋلاتوريالىق كوروناروگرافيا.

2025 -جىلدان باستاپ تەگىن مەديتسينالىق كومەكتىڭ كەپىلدەندىرىلگەن كولەمى جۇيەسىنەن م ءا م س پاكەتىنە اۋىستىرىلاتىن اۋرۋ تۇرلەرى:

ارتروپاتيا، دورسوپاتيا، باۋىر اۋرۋلارى، قالقانشا بەزىنىڭ اۋرۋلارى، پەريناتالدىق كەزەڭدە پايدا بولعان برونح- وكپە ديسپلازياسى، تۋا بىتكەن دامۋ اقاۋلارى، وپەراتسيادان كەيىنگى كەزەڭدە تۋا بىتكەن جۇرەك اقاۋلارى، قۋىق استى بەزىنىڭ گيپەرپلازياسى، ءسۇت بەزىنىڭ قاتەرسىز ديسپلازياسى، اسقازان-ىشەك جولدارىنىڭ جوعارعى بولىگىنىڭ اۋرۋلارى، قان جانە قان ءتۇزۋشى ورگانداردىڭ اۋرۋلارى، ايەل جىنىس مۇشەلەرىنىڭ قابىنبايتىن اۋرۋلارى، ينفەكسيالىق ەمەس ەنتەريت جانە كوليت.

«تالداۋ قورىتىندىسىنا سايكەس، وسى ساناتقا جاتاتىن پاتسيەنتتەر نەگىزىنەن ساقتاندىرىلعان. ولار - بالالار، جۇكتى ايەلدەر، مۇگەدەكتىگى بار جاندار جانە جۇمىس ىستەيتىن ازاماتتار»، - دەپ ءتۇسىندىردى مينيسترلىكتەن.

2026 -جىلدان باستاپ 13 الەۋمەتتىك ماڭىزى بار دەرتكە كۇدىك تۋىنداعان جاعدايدا تەگىن كونسۋلتاتسيالىق-دياگنوستيكالىق كومەك كورسەتۋ جوسپارلانىپ وتىر. بۇگىندە 13 جۇرەك-قان تامىرلارى اۋرۋلارى، تۋبەركۋلەز جانە ا ي ت ۆ ينفەكسياسى بويىنشا دياگنوستيكا جاساۋ ت م ك ك ك شەڭبەرىندە جۇرگىزىلەدى، قالعان 11 اۋرۋدىڭ دياگنوستيكاسى م ءا م س جۇيەسى اياسىندا جۇزەگە اسىرىلادى.

بۇعان دەيىن حابارلانعانىنداي، قارجى ءمينيسترى ءمادي تاكيەۆ 2025 -جىلى الەۋمەتتىك مەديتسينالىق ساقتاندىرۋ قورىنا 675 ميلليون تەڭگە باعىتتالاتىنىن ءمالىم ەتكەن بولاتىن.

اۆتور

داۋلەت ىزتىلەۋ