كەيبىر قازاقستاندىقتار ءۇشىن زەينەتاقى تولەمىنىڭ جاڭا ءتارتىبى ەنگىزىلەدى
استانا. KAZINFORM - قارجى نارىعىن رەتتەۋ جانە دامىتۋ اگەنتتىگى ەرىكتى زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساسۋ قاعيدالارى مەن ونىڭ ۇلگىلىك نىسانىنا وزگەرىستەر ەنگىزدى.
جوبادا ەرىكتى زەينەتاقى جارنالارى (ە ز ج) ەسەبىنەن زەينەتاقىمەن قامسىزداندىرۋ شارتىنىڭ ۇلگىلىك نىسانىنا، ونىڭ ىشىندە «ءبىرىڭعاي جيناقتاۋشى زەينەتاقى قورى» ا ق- تان (ب ج ز ق) تولەمدەر تارتىبىنە قاتىستى بولىگىندە وزگەرىستەر ەنگىزۋ ۇسىنىلادى.
- اتاپ ايتقاندا، زەينەتكەرلىك جاسقا جەتكەن، ءبىراق ەرىكتى زەينەتاقى جارنالارى (ە ز ج) ەسەبىنەن قالىپتاسقان جيناعىن الۋعا جۇگىنبەگەن ازاماتتار ءۇشىن ب ج ز ق- دان زەينەتاقى تولەمدەرىن اۆتوماتتى (ءوتىنىشسىز) تارتىپپەن جۇزەگە اسىرۋ جوسپارلانىپ وتىر. وسى تەتىكتى ىسكە اسىرۋ ەرىكتى زەينەتاقى جارنالارى بويىنشا تالاپ ەتىلمەگەن زەينەتاقى جيناقتىڭ الدىن الىپ، زەينەتاقى تولەمدەرىنىڭ بارلىق تۇرىنە بىردەي كوزقاراستى قامتاماسىز ەتۋگە مۇمكىندىك بەرەدى، - دەلىنگەن حابارلامادا.
جوبا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارجى نارىعىن دامىتۋ، قارجىلىق كورسەتىلەتىن قىزمەتتەردى تۇتىنۋشىلارىنىڭ قۇقىقتارىن قورعاۋ، بايلانىس جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىن ىسكە اسىرۋ شەڭبەرىندە ازىرلەندى.
قۇجاتتىڭ تولىق ماتىنىمەن قارجى نارىعىن رەتتەۋ جانە دامىتۋ اگەنتتىگىنىڭ ينتەرنەت-رەسۋرسىندا تانىسۋعا بولادى.
ۇلتتىق بانكتىڭ مالىمەتى بويىنشا، 2014-جىلدان بەرى ەلىمىزدە زەينەتاقى اكتيۆتەرى 5 ەسەدەن اسا ءوستى.
ايتا كەتەيىك، قازاقستاندىقتار قايتادان زەينەتاقى جيناعىنا ءتىسىن جانە بالالارىن ەمدەتە الادى.
