كيبەرپوليسيا وسكەمەن، قاراعاندى قالالارىندا تەلەفون الاياقتارىن ۇستادى

استانا. KAZINFORM - قاراعاندى قالاسىندا شەتەل ازاماتى ۇستالىپ، ودان 128 سلوتى بار sim-box قۇرىلعىسى، ەكى مىڭعا جۋىق sim-كارتا، ەكى Wi-fi روۋتەرى جانە سيگنال كۇشەيتكىش تاركىلەندى.

ءى ءى م كيبەرقىلمىسقا قارسى ءىس- قيمىل دەپارتامەنتى ينتەرنەت-الاياقتاردىڭ سىبايلاستارىمەن بەلسەندى كۇرەس جۇرگىزىپ كەلەدى.

- شىعىس قازاقستان وبلىسى پوليسيا دەپارتامەنتىنىڭ كيبەرپوليسيا قىزمەتكەرلەرى ۇ ق ك د جانە پروكۋراتۋرامەن بىرلەسىپ، وسكەمەن قالاسىندا ءۇش مەكەنجايدان 489 sim-كارتا ورناتىلعان 22 sim-box قۇرىلعىسىن، 452 USB- ينتەرنەت مودەمىن، 13 كومپيۋتەر، 4 روۋتەر جانە ءبىر نوۋتبۋك تاركىلەدى. زاڭسىز ءىس- ارەكەت ءۇشىن قالانىڭ ءۇش تۇرعىنى ۇستالدى، - دەدى ءى ءى م كيبەرقىلمىسقا قارسى ءىس- قيمىل دەپارتامەنتىنىڭ باستىعى جاندوس ءسۇيىنباي.

Polisia.kz ءتىڭ مالىمەتىنشە وعان قوسا قاراعاندى قالاسىندا شەتەل ازاماتى ۇستالىپ، ودان 128 سلوتى بار sim-box قۇرىلعىسى، ەكى مىڭعا جۋىق sim-كارتا، ەكى Wi-fi روۋتەرى جانە سيگنال كۇشەيتكىش تاركىلەندى.

ۇستالعانداردىڭ بارلىعى ۋاقىتشا ۇستاۋ يزولياتورىنا قامالدى.