ەكىباستۇزدا توتەنشە جاعدايلار باسقارماسىنىڭ باستىعى سوتتالدى
پاۆلودار. KAZINFORM - وسى جىلدىڭ 31-ناۋرىزىندا پاۆلودار وبلىسىندا ەكىباستۇز قالالىق سوتى ەكىباستۇز قالاسى توتەنشە جاعدايلار باسقارماسىنىڭ باستىعى د. كۋكونيەۆكە، ونىڭ ورىنباسارى ج. مايمانوۆقا جانە كاسىپكەر ب. جۇماشەۆكە قاتىستى ۇكىم شىعاردى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.
- كۋكونەۆ پەن مايمانوۆ جۇماشەۆتەن ءوزىنىڭ كاسىپورنىمەن مەملەكەتتىك ەمەس ورتكە قارسى قىزمەت كورسەتۋ شارتتارىن جاساسقانى ءۇشىن جالپى سوماسى 7,4 ميلليون تەڭگەنى بىرنەشە رەت پارا العانى ءۇشىن كىنالى دەپ تانىلدى، - دەلىنگەن حابارلامادا.
سوت ۇكىمىمەن كۋكونەۆ 7 جىل 6 ايعا، مايمانوۆ پەن جۇماشەۆ ءارقايسىسى 7 جىلعا باس بوستاندىعىنان ايىرىلدى. سونداي-اق، ولار ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان ايىرىلدى.
سونىمەن قاتار كۋكونەۆ «ازاماتتىق قورعانىس پولكوۆنيگى»، مايمانوۆ «ازاماتتىق قورعانىس مايورى» ارنايى اتاعىنان ايىرىلدى.
سوت اكتىسى زاڭدى كۇشىنە ەنگەن جوق.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
