ەكىباستۇزدا بالىق اۋلاۋعا شىققان ەر ادام سۋعا باتىپ كەتتى
پاۆلودار. KAZINFORM - وقيعا ەكىباستۇز قالاسى ماڭىندا، 7-8-سورعى اۋدانىندا بولعان. ەر ادام ابايسىزدا مۇز جارىعىنا ءتۇسىپ كەتىپ، كوز جۇمدى دەگەن بولجام بار.
بۇل تۋرالى وڭىرلىك توتەنشە جاعدايلار دەپارتامەنتىنىڭ باسپا ءسوز قىزمەتىنەن حابارلادى.
«28-ناۋرىز كۇنى ساعات 17.55 تە- دە ەكىباستۇز قالاسىندا، 7-8- سورعى اۋدانىندا 1951-جىلعى ازامات جوعالىپ كەتكەنى تۋرالى حابارلاما ءتۇستى. ول سوڭعى رەت ساعات 12.00 دە بايلانىسقا شىققان. ارادا ءبىراز ۋاقىت وتكەن سوڭ نەمەرەسى ونىڭ كولىگىن سۋ قويماسىنىڭ جاعاسىنان تاپتى. بۇگىن تاڭەرتەڭ 5 قۇتقارۋشى ىزدەۋ- قۇتقارۋ جۇمىستارىنا كىرىستى. ولار بالىقشىنىڭ مۇردەسىن سۋدان الىپ شىقتى»، دەپ مالىمدەدى باسپا ءسوز قىزمەتىنەن.
ەسكە سالا كەتەيىك، بۇعان دەيىن ەكىباستۇزدا بالىق اۋلاۋعا شىققان ەكى ادام كولىكپەن مۇز استىنا ءتۇسىپ كەتىپ، مەرت بولدى.
