ەكى وڭىردە كۇن قاتتى ىسيدى - قازگيدرومەت

استانا. KAZINFORM -«قازگيدرومەت» ر م ك- سى شىلدەنىڭ 10 ى كۇنگى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، قازاقستان اۋماعىنىڭ باسىم بولىگىندە اتموسفەرالىق اعىنداردىڭ وتۋىنە بايلانىستى جاڭبىر جاۋادى، نايزاعاي وينايدى، بۇرشاق جاۋىپ داۋىل تۇرادى، سولتۇستىك-باتىستا، شىعىستا، ەلدىڭ وڭتۇستىك- شىعىس تاۋلارىندا قاتتى جاڭبىر جاۋادى.

ەلدىڭ سولتۇستىگىندە عانا كۇن جاۋىن-شاشىنسىز بولادى. رەسپۋبليكا بويىنشا جەل كۇشەيىپ، رەسپۋبليكانىڭ سولتۇستىگىندە، شىعىسىندا تۇنگى جانە تاڭەرتەڭگى ساعاتتاردا تۇمان تۇسەدى.

كۇندىز اتىراۋ، ماڭعىستاۋ وبلىستارىندا قاتتى ىستىق بولادى.

ماڭعىستاۋ وبلىسىندا، اتىراۋ وبلىسىنىڭ سولتۇستىگىندە، ورتالىعىندا، باتىس قازاقستان وبلىسىنىڭ سولتۇستىگىندە، وڭتۇستىگىندە، وڭتۇستىك-شىعىسىندا، اقتوبە وبلىسىنىڭ باتىسىندا، وڭتۇستىگىندە، وڭتۇستىك-شىعىسىندا، جامبىل وبلىسىنىڭ وڭتۇستىك-باتىسىندا، قيىر شىعىسىندا جوعارى ءورت قاۋپى ساقتالادى.

تۇركىستان، قىزىلوردا وبلىستارىندا، ماڭعىستاۋ وبلىسىنىڭ باتىسىندا، ۇلىتاۋ وبلىسىنىڭ باتىسىندا، ورتالىعىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ وڭتۇستىك- شىعىسىندا توتەنشە ءورت قاۋپى ساقتالادى.