ەكى جىلدا بوس جاتقان 10 ميلليون گەكتار جەر مەملەكەتكە قايتارىلعان
استانا. KAZINFORM - 2022 -جىلدىڭ باسىنان بەرى پايدالانىلمايتىن 10 ميلليون گەكتار اۋىل شارۋاشىلىعى جەرلەرى مەملەكەتتىك مەنشىككە قايتارىلدى. بۇل تۋرالى ق ر اۋىل شارۋاشىلىعى ءمينيسترى ايداربەك ساپاروۆ ايتتى.
ءمينيستردىڭ ايتۋىنشا، 2024 -جىلى تاعى 2 ميلليون گەكتار جەردى قايتارۋ جوسپارلانىپ وتىر.
«سالىق سالۋداعى وزگەرىستەر اۋىل شارۋاشىلىعى القاپتارىن ۇتىمدى پايدالانۋعا ىنتالاندىرۋ بولۋعا ءتيىس. بۇل جۇمىس ءبىرىڭعاي جەر سالىعى تاسىلدەرىن وزگەرتۋ شەڭبەرىندە جۇرگىزىلۋدە، ناتيجەسىندە اگروونەركاسىپ كەشەنىندەگى سالىقتار بويىنشا ەسەپكە الۋ مەن اكىمشىلەندىرۋدى جەڭىلدەتۋگە مۇمكىندىك بەرەدى»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
بۇعان دەيىن ا. ساپاروۆ قازاقستاندىق شارۋالار رەسەيمەن نەگە باسەكەلەسە المايتىنىن، سالادا قانداي جۇيەلى پروبلەمالار بار ەكەنىن ايتقان ەدى.
