ەكى جىلدا 80 اۋىل كارتادان جوعالعان
استانا. KAZINFORM - ماجىلىستە شەكارالىق ەلدى مەكەندەردىڭ ماسەلەسى تالقىلانىپ جاتىر.
ءبىرىنشى بولىپ بايانداما جاساعان ءماجىلىس دەپۋتاتى جيگۋلي دايرابايەۆ دوڭگەلەك ۇستەلگەن قاتىسۋشىلارعا اۋىل حالقىنىڭ جىلدان جىلعا ازايىپ بارا جاتقانىنا نازار اۋدارۋدى سۇرادى.
- بۇگىنگى كۇندە ەلىمىزدە 6208 اۋىل بار، ال 2023 -جىلى 6286 اۋىل بولدى. سوندا تەك 2 جىلدىڭ ىشىندە 80 اۋىل جويىلدى. كۇنى كەشە عانا مەملەكەت باسشىسى ۇكىمەتتىڭ كەڭەيتىلگەن وتىرىسىنداعى سوزىندە: اۋىلدىق ايماقتاردى جان-جاقتى دامىتۋعا ارنالعان مەملەكەتتىك قولداۋ شارالارىنىڭ ءبارىن ءبىر باعدارلاماعا بىرىكتىرۋ قاجەتتىگىن باسا ايتقانى بارشاڭىزعا ءمالىم. سوندىقتان وسى ماسەلەنى تالقىلاپ، اۋىلداردى سونىڭ ىشىندە شەكارا ماڭىنداعى اۋىلداردى دامىتۋ بويىنشا ناقتى شەشىمدەرگە كەلگەن ءجون، - دەدى ول.
ال ۇلتتىق ەكونوميكا مينيسترلىگىنىڭ مالىمەتى بويىنشا، كەيىنگى ون جىلدا قازاقستان كارتاسىنان 572 اۋىل جويىلعان.
اۆتور
ەسىمجان ناقتىباي
