كوزىندە كىنارات جوق: پاراليمپيادا چەمپيونى ءومىر بويىنا سپورتتان شەتتەتىلدى
بۇل كۇندەرى استانادا پارادزيۋدودان ءوتىپ جاتقان الەم چەمپيوناتىنا قاتىسۋعا نيەت تانىتقان ازەربايجان قۇراماسىنىڭ ەكى سپورتشىسى مەديتسينالىق تەكسەرىستەن وتە الماي قالدى، دەپ حابارلايدى turkystan.kz باسىلىمى Oxu.Az-گە سىلتەمە جاساپ.
توكيو پاراليمپياداسىنىڭ چەمپيونى شاحانا گادجيەۆا (J2 ساناتى، 52 كەلى) پارادزيۋدوشىلاردىڭ جارىس الدىندا وتەتىن مەديتسينالىق تەكسەرىسىنەن وتە الماي قالدى. بەلگىلى بولعانداي، وسى ۋاقىتقا دەيىن زاعيپتار اراسىندا كۇش سىناسىپ كەلگەن 24 جاستاعى سپورتشىنىڭ كوزىندە ەش كىنارات جوق بولىپ شىقتى. ءسويتىپ، ول ءومىر بويىنا سپورتتان شەتتەتىلدى.
سونىمەن قاتار بۇعان دەيىن مۇلدە كوزى كورمەيتىندەر اراسىندا كۇرەسىپ كەلگەن ەلنارا نيزاملىنىڭ كوزى كورەتىن بولىپ شىقتى. ول ەندى جارتىلاي كوزى كورمەيتىن اتلەتتەر ساناتىنا اۋىسىپ، جارىسقا ارالاسادى.
ەسكە سالا كەتەيىك، بۇعان دەيىن توكيو پاراليمپياداسىنىڭ چەمپيونى اتانعان اقمارال ناۋاتبەك استانادا ءوتىپ جاتقان الەم بىرىنشىلىگىندە جارىس جولىنان شىعىپ قالعان بولاتىن.
