ەكونوميكانىڭ ءوسىمى 9 ايدا 4 پايىزدىق مەجەگە جەتكەن

استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ جىل باسىنان بەرى ەل ەكونوميكاسىنىڭ ءوسىمى شيكىزاتتىق ەمەس سەكتوردىڭ ەسەبىنەن بولعانىن ايتتى.

«قاڭتار- قىركۇيەكتىڭ قورىتىندىسى بويىنشا ەكونوميكانىڭ ءوسۋى %4 تى قۇرادى. قابىلدانىپ جاتقان شارالاردىڭ ناتيجەسىندە ءۇشىنشى اي قاتارىنان ءوسۋدىڭ جەدەلدەۋى بايقالۋدا. ناقتى سەكتورداعى ءوسۋ %5 بولدى. كورسەتىلەتىن قىزمەتتەر سالاسىنداعى ءوندىرىس %3,8 كە ارتتى. بيىل ەكونوميكانىڭ ءوسۋى تولىعىمەن شيكىزاتتىق ەمەس سەكتوردىڭ دامۋى ەسەبىنەن قامتاماسىز ەتىلۋدە»، - دەدى ول.

ءمينيستردىڭ سوزىنشە، ەڭ جوعارى ءوسىم اۋىل شارۋاشىلىعى مەن قۇرىلىس سالاسىندا تىركەلگەن. كولىك قىزمەتى %8 كە، بايلانىس %6,4 كە، ساۋدا %6,3 كە، وڭدەۋ ونەركاسىبى %4,8 كە وسكەن.

«جالپى ىشكى ءونىمنىڭ ءوسۋىنىڭ %65  ى ساۋدا، وڭدەۋ ونەركاسىبى، قۇرىلىس جانە اۋىل شارۋاشىلىعى ەسەبىنەن قامتاماسىز ەتىلدى. نەگىزگى كاپيتالعا سالىنعان ينۆەستيتسيالار %0,6 كە ءوستى. ينۆەستيتسيانىڭ ەڭ جوعارى ءوسۋى شيكىزاتتىق ەمەس سالالاردا بايقالادى»، - دەدى نۇرلان بايبازاروۆ.

اۆتور
ەسىمجان ناقتىباي