كولىك تىزگىندەگەن قىز 3 بالانى قاعىپ ءولتىردى

استانا. KAZNFORM - تاتارستاننىڭ مەنزەلينسكي اۋدانىندا كولىك تىزگىندەگەن قىز 3 بالانى قاعىپ ءولتىردى. بۇل تۋرالى رەسەيلىك ت ا س س اگەنتتىگىنە جەدەل قىزمەت وكىلدەرى حابارلاعان.

«جوعارى تاكەرمەن اۋىلىنا جول جيەگىمەن 5 بالا كەتىپ بارا جاتقان. ۇشەۋىن كولىك قاعىپ، مەرت بولدى. كولىكتى 1987 -جىلعى قىز باسقارىپ كەلە جاتقان»، - دەپ حابارلادى اگەنتىككە دەرەككوز.

سونداي-اق ول ۇشەۋىنەن وزگە بالا زارداپ شەكپەگەنىن جەتكىزدى.

رەسپۋبليكا پروكۋراتۋراسىنىڭ Telegram-كانالىندا مەنزەلينسكي اۋدانى پروكۋرورىنىڭ مىندەتىن اتقارۋشى تيمۋر گابدۋللين جول-كولىك وقيعاسىنىڭ ساعات 18:00 كەزىندە بولعانىن اتاپ ءوتتى. قىز بالا Toyota Camry كولىگىن باسقارىپ كەلە جاتقان. ال بالالار العان جاراقاتتارىنان دارىگەرلەر كەلگەنشە جان تاپسىرعان.

ت ا س س اگەنتتىگىنىڭ حابارلاۋىنشا، رەسپۋبليكا پروكۋراتۋراسى وقيعانىڭ ورنىن تەكسەرىپ، قىلمىستىق ءىس قوزعاۋ ماسەلەسى قاراستارىلىپ جاتىر. وقيعا ورنىندا تەرگەۋشىلەر جۇمىس ىستەۋدە، تەكسەرۋ ۇيىمداستىرىلعان.

اۆتور
ايدار وسپاناليەۆ