كولىك اپاتىنان بالالار ءولىمى جيىلەپ كەتتى: الماتى پوليسياسى مالىمدەمە جاسادى
الماتى. KAZINFORM - الماتى پوليسياسى بالالاردىڭ قاۋىپسىزدىگىنە قاتىستى مالىمدەمە جاسادى.
الماتى قالالىق پوليسياسى بالالاردىڭ قاتىسۋىمەن بولاتىن جول-كولىك وقيعالارىنىڭ كوبەيگەنىن ايتىپ دابىل قاعۋدا.
وكىنىشكە قاراي، كەيدە جول اپاتتارى كامەلەتكە تولماعانداردىڭ ولىمىمەن اياقتالادى.
- ءبىزدى بالالاردىڭ جول بويىندا ەرەسەكتەردىڭ قاراۋىنسىز قالىپ قوياتىنى جانە جول قاۋىپسىزدىگىنىڭ قاراپايىم داعدىلارىن بىلمەيتىندىگى الاڭداتادى. بۇل - اتا- انالار مەن زاڭدى وكىلدەرىنىڭ نەمقۇرايلىلىعى مەن سالعىرتتىعىنىڭ سالدارى. بالالاردى قاراۋسىز قالدىرماۋعا شاقىرامىز. ەسىڭىزدە بولسىن، ءبىر ءسات - ورنى تولماس نارسە بولۋى مۇمكىن. بالانىڭ قاۋىپسىزدىگى - ءسىزدىڭ تىكەلەي جاۋاپكەرشىلىگىڭىز، - دەدى الماتى قالالىق پ د انىقتاۋ باسقارماسىنىڭ باستىعى ەرجان شايحيەۆ.
سونداي-اق پوليسيا وكىلى ق ر اكىمشىلىك قۇقىق بۇزۋشىلىق تۋرالى كودەكسىنىڭ 127-بابىنا ەنگىزىلگەن وزگەرتۋلەرگە سايكەس، بالالاردىڭ قاۋىپسىزدىگىن قامتاماسىز ەتۋ جونىندەگى مىندەتتەردى ورىنداماعانى ءۇشىن جاۋاپكەرشىلىك ەندى اتا- انالار مەن زاڭدى وكىلىنە جۇكتەلەتىنىن ەسكە سالدى.
ەسكە سالايىق، 2-ءساۋىر كۇنى الماتىدا جۇك كولىگى 7 جاسار قىزدى باسىپ كەتتى. جول-كولىك وقيعاسىنان وقۋشى قىز مەرت بولدى.
سونداي- اق 3-ءساۋىر كۇنى جول اپاتىنان تاعى 7 جاسار بالا كوز جۇمدى.
