ەكولوگيا ءمينيسترى اۋەسقويلارعا كيىك اتقىزۋ تۋرالى: اڭشىلىق ۇجىمداردان ۇسىنىس كوپ
استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ ورتالىق كوممۋنيكاتسيالار قىزمەتىندە وتكەن بريفينگتە 2025 -جىلى كيىك اتۋعا اۋەسقوي اڭشىلار دا تارتىلاتىنىن راستادى.
«كيىك اتۋعا اۋەسقوي اڭشىلار تارتىلاتىنى تۋرالى اقپارات تاراپ جاتىر. وسىعان نە دەيسىز؟» - دەپ سۇرادى جۋرناليست.
«ءيا، جىل باسىندا كوپتەگەن ۇسىنىستار ءتۇستى. ءبىراق سوعان قاراماستان ءبىز كيىكتى اۋەسقوي، سپورتتىق باعىتتا اتۋعا رۇقسات بەرمەدىك. بيىل تەك رەتتەۋ شەڭبەرىندە عانا «وحوتزووپروم» دەگەن مەكەمەنىڭ كۇشىمەن رەتتەۋ جۇمىسىن باستاپ كەتتى»، - دەدى ۆەدومستۆو باسشىسى.
مينيستر كەلەسى جىلى مۇنداي ۇسىنىستار اڭشىلىق ۇجىمداردان كوپ تۇسكەنىن ايتادى.
«ءبىراق كەلەسى جىلى كوپتەگەن نورماتيۆتىك-قۇقىقتىق اكتىلەرگە وزگەرتۋلەر ەنگىزىپ جاتىرمىز. اڭشىلىق ۇجىمداردان كوپتەگەن ۇسىنىستاردىڭ ءبارىن توپتاپ، سودان ءبىر جاقسى جالپى ەرەجەنى ازىرلەپ جاتىرمىز. كەلەسى جىلعا كيىككە اۋەسقوي سپورت اڭشىلىقتى اشۋعا ازىرلەنىپ جاتىرمىز. ونى اشىپ ايتۋ كەرەك»، - دەدى ەرلان نىسانبايەۆ.
اۆتور
ەسىمجان ناقتىباي
