كولورادو سوتى دونالد ترامپقا سايلاۋعا تۇسۋگە تىيىم سالدى
امەريكانىڭ كولورادو شتاتىنىڭ جوعارعى سوتى بۇرىنعى پرەزيدەنت دونالد ترامپتى 2024 -جىلى ا ق ش- تا وتەتىن پرەزيدەنت سايلاۋىنا ۇمىتكەرلەر تىزىمىنەن شىعارۋ شەشىمىن قابىلدادى.
بۇل 2021-جىلدىڭ 6-قاڭتارىنداعى وقيعاعا د. ترامپتىڭ رولىنە قاتىستى بولىپ وتىر. ول كەزدە ەكس- پرەزيدەنتتىڭ جاقتاستارى دجو بايدەننىڭ جەڭىسكە جەتۋىنە قارسىلىق ءبىلدىرىپ، كاپيتولييگە باسىپ كىرگەن ەدى. Kazinform بۇل تۋرالى BBC- گە سىلتەمە جاساپ حابارلايدى.
سوت 4:3 داۋىسپەن شەشىم شىعارىپ، رەسپۋبليكالىق پارتيادان ۇمىتكەر د. ترامپقا «ا ق ش ۇكىمەتىنە قارسى زورلىق- زومبىلىققا اراڭداتۋداعى» رولىنە بايلانىستى كونستيتۋتسيا وعان 2024 -جىلعى سايلاۋعا تۇسۋگە تىيىم سالادى دەپ ۇيعاردى.
سوت شەشىمى كولورادودا 5 -ناۋرىزدا وتەتىن رەسپۋبليكالىق پارتيانىڭ پرايمەريزىنە عانا قاتىستى. الايدا، بۇل شەشىم ترامپتىڭ 5 -قاراشاداعى جالپى سايلاۋداعى ستاتۋسىنا اسەر ەتۋى مۇمكىن.
شەشىمنىڭ كۇشىنە ەنۋى اپەللياتسيا بەرىلگەنگە دەيىن كەيىنگە قالدىرىلدى.
بۇعان دەيىن حابارلاعانىمىزداي، نيۋ- يورك سۋدياسى دونالد ترامپ پەن ونىڭ ۇلدارىن الاياقتىق بويىنشا كىنالى دەپ تانىدى. ترامپتار 10 جىلعا جۋىق ۋاقىت جالعان قارجىلىق ەسەپتەر بەرىپ كەلگەن. وتباسىلىق - Trump Organization كومپانياسىنىڭ بيزنەس سەرتيفيكاتى توقتاتىلادى. ال ونىڭ 2020 -جىلعى پرەزيدەنت سايلاۋى ناتيجەسىن جويۋعا تالپىنۋىنا قاتىستى ءىس 2024 -جىلدىڭ 4-ناۋرىزدا قايتا قارالاتىن بولدى.
ايتا كەتەيىك، 77 جاستاعى دونالد ترامپ كەلەسى جىلى پرەزيدەنت سايلاۋىنا قاتىسۋعا نيەتتى جانە رەسپۋبليكا پارتياسىنىڭ كانديداتى بولۋعا ۇمىتكەرلەر اراسىندا كوش باستاپ تۇر.
امەريكادا پرەزيدەنت سايلاۋى 2024 -جىلدىڭ 5-قاراشاسىندا وتەدى.
اۆتور
ەركەجان سماعۇلوۆا
