كولورادادا يزرايلدى قولداعان بەيبىت شەرۋگە شابۋىل جاسالدى
استانا. KAZINFORM - كولورادو شتاتىنىڭ بوۋلدەر قالاسىندا يزرايلدىك تۇتقىنداردى بوساتۋدى تالاپ ەتكەن شەرۋگە شابۋىل جاساعان ەر ادام «پالەستيناعا بوستاندىق بەرىلسىن» دەپ ايعايلاعان، دەپ حابارلايدى NBC News.
كۋاگەرلەردىڭ ايتۋىنشا، شابۋىلشى جۇمىسشى كيىمىمەن جاسىرىن كىرىپ، جانعىش سۇيىقتىق قۇيىلعان بوتەلكەنى بۇلعاپ، ايقايلاعان. بۇل اقپاراتتى شەنەۋنىكتەر تەكسەرىپ جاتىر.
شابۋىل جاساعان ەر ادام وقيعا ورنىندا ۇستالدى. ول ەل-پاسو وكرۋگىندە تۇراتىن مىسىر ازاماتى 45 جاستاعى موحامەد سابري سوليمان ەكەنى انىقتالدى. بيلىك ۇستالعان ازامات جالعىز ارەكەت ەتكەنىن ايتىپ، بۇعان دەيىن ەشقانداي زاڭبۇزۋشىلىق جاساماعان دەپ ەسەپتەيدى.
67 مەن 88 جاس ارالىعىنداعى سەگىز ادام كۇيىك شالعان، بيلىك مالىمەتىنشە، ولاردىڭ جاعدايى وتە اۋىر دەپ باعالانىپ وتىر. لاڭكەستىك ارەكەت رەتىندە قاراستىرىلعان شابۋىلعا قاتىستى تەرگەۋ امالدارى ءجۇرىپ جاتىر.
بۇعان دەيىن ۆاشينگتوندا يزرايل ەلشىلىگىنىڭ ەكى قىزمەتكەرى وققا ۇشقانىن جازعان بولاتىنبىز.
اۆتور
زارينا تۋعانبايەۆا
