11:56, 20 - مامىر 2025 | GMT +5
كولسايدا ءىلبىس فوتوتۇزاققا ءتۇسىپ قالدى
الماتى. KAZINFORM - الماتى وبلىسىندا ءىلبىس (قار بارىسى) فوتوتۇزاققا ءتۇسىپ قالدى.
«كولساي كولدەرى» مەملەكەتتىك ۇلتتىق تابيعي پاركى اۋماعىندا جابايى جانۋارلاردى باقىلاۋ ماقساتىندا ورناتىلعان بەينەتۇزاقتاردىڭ بىرىنە ق ر قىزىل كىتابىنا ەنگىزىلگەن قار بارىسى تاعى دا بايقالدى.
- بۇل سيرەك كەزدەسەتىن بەينەجازبا - قار بارىسىنىڭ ۇلتتىق پارك اۋماعىندا ءالى دە مەكەندەيتىنىن دالەلدەيدى جانە تابيعي ورتانىڭ تۇراقتىلىعىن كورسەتەدى. جابايى جانۋارلاردى باقىلاۋ جۇمىستارى جالعاسىپ جاتىر، - دەپ حابارلادى «كولساي كولدەرى» مەملەكەتتىك ۇلتتىق تابيعي پاركىنەن.
ەسكە سالايىق، اتالعان جىرتقىشتار بىلتىر قازان ايىندا دا بوي كورسەتكەن بولاتىن.
ايتا كەتەيىك، قازاقستان اۋماعىندا تىرشىلىك ەتەتىن ىلبىستەردىڭ سانى جىلىنا 5-6 باسقا كوبەيىپ كەلەدى.
