12:53, 12 - مامىر 2025 | GMT +5
كولساي اۋماعىندا تيان-شان قوڭىر ايۋى بەينەتۇزاققا ءتۇسىپ قالدى
قوناەۆ. KAZINFORM — «كولساي كولدەرى» مەملەكەتتىك ۇلتتىق تابيعي پاركى اۋماعىندا جابايى جانۋارلاردى باقىلاۋ ماقساتىندا ورناتىلعان بەينەتۇزاقتاردىڭ بىرىنە قازاقستاننىڭ قىزىل كىتابىنا ەنگىزىلگەن تيان-شان قوڭىر ايۋى قايتادان ءتۇسىپ قالدى.
ورمان شارۋاشىلىعى جانە جانۋارلار دۇنيەسى كوميتەتىنىڭ مالىمەتىنشە، بۇل سيرەك كەزدەسەتىن بەينەجازبا - قوڭىر ايۋلاردىڭ ۇلتتىق پارك اۋماعىندا ءالى دە مەكەندەيتىنىن دالەلدەيدى جانە تابيعي ورتانىڭ تۇراقتىلىعىن كورسەتەدى.
- اتالعان دەرەك تابيعاتتى قورعاۋ باعىتىندا قابىلدانىپ جاتقان شارالاردىڭ تيىمدىلىگىنىڭ ماڭىزدى ايعاعى. جابايى جانۋارلاردى باقىلاۋ جۇمىستارى جالعاسادى، - دەلىنگەن كوميتەت جازباسىندا.
ەسكە سالايىق، بۇعان دەيىن شىعىس قازاقستان وبلىسىندا فوتوتۇزاققا سيرەك كەزدەسەتىن قار بارىسى ءتۇسىپ قالعانىن جازعانبىز.
