كوكشەتاۋدا 4 سارباز اياق استىنان اۋرۋحاناعا ءتۇستى

كوكشەتاۋ. KAZINFORM - كوكشەتاۋداعى 55/10 اسكەري ءبولىمىنىڭ 4 ساربازى «پنەۆمونيا» دياگنوزىمەن اۋرۋحاناعا جاتقىزىلدى. دارگەرلەر ناۋقاس ساربازداردىڭ جاعدايى تۋرالى ايتتى.

ءتورت ساربازدىڭ ۇشەۋى ناۋرىزدىڭ 18ىندە كوكشەتاۋ قالالىق كوپبەيىندى اۋرۋحاناسىنىڭ پۋلمونولوگيا بولىمشەسىنە جاتقىزىلعان.

دارىگەرلەر ناۋقاستاردىڭ جاعدايى ءبىرقالىپتى دەپ وتىر.

«دۇيسەنبىدە كوكشەتاۋ قالاسىنداعى 55/10 اسكەري ءبولىمنىڭ 2001، 2002 جانە 2004 -جىلعى ءۇش ساربازى «پنەۆمونيا» دياگنوزىمەن ءتۇستى. اناليزدار الىنىپ، قازىر زەرتتەلۋدە. ناۋقاستاردىڭ جاعدايى ورتاشا، تولىق كولەمدە ەم الىپ جاتىر»، - دەپ ءتۇسىندىردى Kazinform ءتىلشىسىنىڭ ساۋالىنا كوكشەتاۋ قالالىق اۋرۋحاناسىنىڭ باسپا ءسوز قىزمەتىنەن.

ال ءبىر سارباز ق. قۇرمانبايەۆ اتىنداعى اقمولا وبلىستىق فتيزيوپۋلمونولوگيا ورتالىعىندا ەم الۋدا. وعان «اۋرحانادان تىس ەكى جاقتى تومەنگى بولىكتىك پنەۆمونيا» دياگنوزى قويىلعان.

«بىزگە تۇسكەن كەزدە باس اۋرۋى، دەنە قىزۋى 40 گرادۋسقا دەيىن، تەرەڭ تىنىس العاندا كەۋدە اۋىرۋى، تاماق اۋرۋى شاعىمدارى بولدى. قازىرگى كەزدە تاماق اۋرۋى، قۇرعاق جوتەلگە شاعىم بار. ال جالپى، جاعدايى اۋىرلىقتاعى ورتاشا دەڭگەيىندە. ءتيىستى ەم قابىلداۋدا»، - دەپ ءتۇسىندىردى دارىگەرلەر.

ايتا كەتسەك، بۇدان بۇرىن اقمولا وبلىسىندا جىل باسىنان بەرى قىزىلشا جۇقتىرۋدىڭ 244 دەرەگى تىركەلگەنىن جازعان ەدىك.

اۆتور
اسلان وسپانوۆ