كوپبالالى وتباسىلار مەن ماراپاتتالعان انالارعا الەۋمەتتىك قولداۋ ارتتى

استانا. KAZINFORM - قازاقستاندا كوپبالالى وتباسىلار مەن ماراپاتتالعان انالارعا تولەنەتىن مەملەكەتتىك الەۋمەتتىك جاردەماقى مولشەرى ءوستى.

بۇل تۋرالى حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ استانا قالاسى بويىنشا دەپارتامەنت باسشىسى اسقار ايماعانبەتوۆ حابارلادى.

- جاردەماقى مولشەرى وتباسىداعى بالالاردىڭ سانىنا جانە ماراپات مارتەبەسىنە بايلانىستى بەلگىلەنەدى. ماسەلەن، ءتورت بالاعا - 69330 تەڭگە، بەس بالاعا - 86673 تەڭگە، ال جەتى بالاعا - 121360 تەڭگە تولەنەدى، - دەدى اسقار ايماعانبەتوۆ.

سونىمەن قاتار «التىن القا»، «كۇمىس القا» جانە «انا داڭقى» وردەندەرىمەن ماراپاتتالعان انالارعا ارنايى جاردەماقى قاراستىرىلعان. ونىڭ مولشەرى 27680-32005 تەڭگە ارالىعىندا بولادى.

- بۇل شارالار وتباسىلاردىڭ الەۋمەتتىك جاعدايىن جاقسارتۋعا، كوپبالالى انالاردىڭ ەڭبەگىن قولداۋعا باعىتتالعان، - دەپ تولىقتىردى دەپارتامەنت قىزمەتكەرى.

ايتا كەتەيىك، بۇعان دەيىن مۇمكىندىگى شەكتەۋلى بالالارعا تولەنەتىن جاردەماقى مولشەرى دە ارتقانى حابارلانعان ەدى.