كوپ ۇيىقتاۋدىڭ زيانى بار بولىپ شىقتى

نەۆرولوگ ۆلاديمير مارتىنوۆ كوپ ۇيىقتاۋدىڭ قانداي قاۋپى بارىن ايتتى، - دەپ حابارلايدى ماسساگەت ءتىلشىسى ر ي ا نوۆوستي باسىلىمىنا سىلتەمە جاساپ.

ۆلاديمير مارتىنوۆ ۇزاق ۇيقى ينسۋلت قاۋپىن ارتتىراتىنىن مالىمدەدى.

«كۇنىنە 10 ساعاتتان ارتىق ۇيىقتاۋ گيپوتيرەوز، دەپرەسسيا، اپنوە سيندرومى سياقتى جاسىرىن اۋرۋلاردىڭ سيمپتومى بولۋى مۇمكىن. سونداي-اق، تىم ۇزاق ۇيىقتاۋ ينسۋلت، قانت ديابەتى، ءتىپتى مەزگىلسىز ءولىم قاۋپىن ارتتىرادى»، - دەپ ەسكەرتتى ول.

مامان ادام اعزاسى ادەتتە ۇيقىنىڭ دۇرىس مولشەرىن ءوزى كورسەتەتىنىن جەتكىزدى. ادام كۇنىنە 10-12 ساعات ۇيىقتاسا دا، سەرگەك جۇرمەسە، مەديتسينالىق كومەككە جۇگىنۋى قاجەت.

ەسكە سالايىق، بۇعان دەيىن دەنساۋلىق ساقتاۋ مينيسترلىگى ەرەسەكتەر مەن بالالار قانشا ساعات ۇيىقتاعانى ءجون ەكەنىن ايتتى.

مەديتسينالىق كومەكتى ۇيىمداستىرۋ دەپارتامەنتى بۇل ساۋال ادامنىڭ جاسىنا بايلانىستى ەكەنىن مالىمدەدى:

جاڭا تۋعان نارەستەلەر (0-3 اي) : 14-17 ساعات؛
سابيلەر (4-12 اي): 12-16 ساعات؛
1-2 جاستاعى بالالار: 11-14 ساعات؛
3-5 جاستاعى بالالار: 10-13 ساعات؛
6-12 جاستاعى بالالار: 9-12 ساعات؛
13-18 جاس ارالىعىنداعى جاسوسپىرىمدەر: 8-10 ساعات؛
ەرەسەكتەر، ياعني 18-64 جاستاعىلار: 7-9 ساعات؛
65 جاستان اسقان قارتتار: 7-8 ساعات.