كوپ جىلدان بەرى 30 مينۋت قانا ۇيىقتايتىن جاپوندىق «ۇيىقتامايتىندار اسسوتسياتسياسىن» قۇردى

استانا. قازاقپارات - ءوزىنىڭ قابىلەتىن ول رەاليتي-شوۋدا دالەلدەدى. 12 جىلدان بەرى 30 مينۋت قانا ۇيىقتايتىن جاپوندىق «ۇيىقتامايتىندار اسسوتسياتسياسىن» قۇردى. 

جاپوندىق دايسۋكە حوري تاۋلىگىنە نەبارى 30 مينۋت ۇيىقتايدى جانە وسىلاي 12 جىل بويى ءومىر ءسۇرىپ كەلەدى، ءوزىن كەرەمەت سەزىنەدى. تايم-مەنەدجمەنت شەبەرى ءتىپتى «شامامەن ۇيىقتامايتىندار اسسوتسياتسياسىن» قۇرىپ، 2100 ادامدى وسى تاسىلگە ۇيرەتكەن.
ءوزىنىڭ قابىلەتىن ول رەاليتي-شوۋدا دالەلدەدى: كامەرالار ونى 3 كۇن بويى باقىلادى.

«ەگەر ءسىز جاتتىعۋ جاساساڭىز نەمەسە تاماقتاناردان ءبىر ساعات بۇرىن كوفە ىشسەڭىز، ۇيقىشىلدىقتى بولدىرماۋعا بولادى»، - دەپ ول قۇپيالارىنىڭ ءبىرىن ءبولىستى.