كۇرەس تۇرلەرى فەدەراتسياسى جىل ۇزدىكتەرىن ماراپاتتاپ، پاتەر بەردى
استانا. KAZINFORM - بۇگىن استانادا قازاقستان رەسپۋبليكاسىنىڭ گرەك-ريم، ەركىن جانە ايەلدەر كۇرەسى فەدەراتسياسىنىڭ 2024-جىلدىڭ قورىتىندىسىنا ارنالعان ەسەپ بەرۋ كونفەرەنسياسى ءوتىپ، جىلدىڭ ۇزدىكتەرى ماراپاتتالدى.
ولاردىڭ اراسىندا دەمەۋ جادىرايەۆ، نۇرعوجا قايپانوۆ جانە يسلام ەۆلوۆيەۆكە ارنايى پاتەر كىلتتەرى تابىستالدى.
سونداي-اق، قازاقستان رەسپۋبليكاسىنىڭ گرەك-ريم، ەركىن جانە ايەلدەر كۇرەسى فەدەراتسياسى 2024-جىلدىڭ ۇزدىكتەرى قاتارىندا «سپورت ارداگەرلەرى»، «جىل سپورتشىسى»، «ۇزدىك باپكەر»، «جىل سەرپىلىسى»، «ۇزدىك تورەشى»، «ۇزدىك ايماقتىق فەدەراتسيا» جانە كۇرەس تۇرلەرىن ناسيحاتتاپ، سپورتشىلارىمىزدىڭ ەرەن جەتىستىكتەرى مەن شەبەرلىكتەرىن ەلگە سۇيىنشىلەپ جازىپ جۇرگەن ءبىرقاتار جۋرناليستتەر ماراپاتتالدى.
ەڭ اۋەلى سپورت ارداگەرلەرى ق ر تۋريزم جانە سپورت مينيسترلىگىنىڭ توسبەلگىلەرىن يەلەندى.
ولار:
1. ق ر ە س ج يۋن ۆيكتور - «دەنە شىنىكتىرۋ پەن سپورتتى دامىتۋعا سىڭىرگەن ەڭبەگى ءۇشىن»
2. ق ر ە س ج جاكسىبەكوۆ سارجان بەكتەمىر ۇلى - «ەڭبەك ارداگەرى»
3. ق ر ە س ج گافاروۆ يلدار يماليەۆيچ - «ەڭبەك ارداگەرى».
4 وليمپيادا دارەجەسىندەگى تورەشى - باقىتجان جاقسىعۇلوۆ ارنايى العىس حاتپەن ماراپاتتالدى.
ال سپورتشىلار اراسىندا:
«جىل سپورتشىسى» - دەمەۋ جادىرايەۆ - وليمپيادا جۇلدەگەرى
«ۇزدىك باپكەر» - قونىسبەك تۋكەنوۆ - U-20 اعا باپكەرى
«جىل سەرپىلىسى» - ريزابەك ايتمۇحان - 2024-جىلى 2 التىن مەدال يەلەنگەن
«ۇزدىك تورەشى» - كسەنيا دروبينا - حالىقارالىق دارەجەدەگى تورەشى
«ۇزدىك ايماقتىق فەدەراتسيا» - جامبىل وبلىسى - فەدەراتسيا پرەزيدەنتى الىمبەك جۇمابايەۆ بار.
سونىمەن قاتار وسى جىلى ءارتۇرلى دودالاردا ەل قورجىنىنا مەدال سالعان 64 جۇلدەگەر اقشالاي سىياقىعا يە بولدى. سىياقى باس جاتتىقتىرۋشىلارعا، اعا باپكەرلەرگە، دارىگەرلەر جانە مەديتسينا قىزمەتكەرلەرىنە دە بۇيىردى.
سول سياقتى، 5 جۋرناليست فەدەراتسيا پرەزيدەنتىنىڭ ارنايى العىس حاتىن الدى.
ولار:
كۇنسۇلتان وتارباي - «قازاقپارات» ح ا ا
ءانۋار ابدراحمانوۆ - «حابار 24» تەلەارناسى
تەلجان كۋدەروۆ - «قازسپورت» تەلەارناسى
البەرت احمەتوۆ - «كاراۆان» گازەتى
اسلان قاجەنوۆ - «حابار 24» تەلەارناسى.
ەستەرىڭىزگە سالا كەتەيىك، وسىعان دەيىن بيىل كۇرەس تۇرلەرىنەن ەل سپورتشىلارى قانشا مەدال جەڭىپ العانىن جازعان بولاتىنبىز.
اۆتور كۇنسۇلتان وتارباي
