كەرەكۋدە شىبىن-شىركەيدى ۋلاۋ شارالارىنا ترامۆايلار جۇمىلدىرىلادى

پاۆلودار. KAZINFORM - قالالىق ترامۆاي باسقارماسى بۇل شارۋاعا 5 ترامۆاي ءبولدى. كولىك قۇرالدارى بيولوگيالىق پرەپاراتتى شاشاتىن قوندىرعىلارمەن جابدىقتالادى.

بۇل تۋرالى پاۆلودار قالاسىنىڭ باسشىسى حاسار حابىلبەكوۆ حابارلادى.

«ترامۆاي باسقارماسى شىبىن-شىركەيدى ۋلاۋ جۇمىستارىنا 5 ۆاگون ءبولدى. ولارعا پرەپارات شاشاتىن جابدىقتار قويىلعان. ترامۆايلار تۇنگى ۋاقىتتا قالا كوشەلەرىنە شىعىپ، پرەپاراتتاردى بۇركەدى»، دەپ مالىمدەدى اكىم.

قازىرگى ۋاقىتتا دەزينسەكسيالىق جۇمىستاردى جۇرگىزۋگە ارنالعان بريگادالاردىڭ سانى دا ۇلعايعان. ءساۋىر ايىنىڭ باسىنان بەرى قالا بويىنشا 10 تۇرعىن ءۇيدىڭ جەرتولەسى شىبىن-شىركەيگە قارسى وڭدەلدى. ال 25-ساۋىردەن بەرى قالا اۋماعىنداعى سۋ ايدىندارىنىڭ ماڭايىندا ۋلاۋ شارالارى جۇرگىزىلىپ جاتىر. بۇگىندە اۋماقتىڭ 90 پايىزىنا پرەپارات شاشىلعان.

ال«زەلەنايا روشا» دەمالىس ايماعى مەن وڭتۇستىك سۋ جيناعىشىنداعى سورعى ستانساسى ماڭىندا وڭدەۋ شارالارى ەرتەڭ باستالۋى مۇمكىن. عىلىمي توپ وكىلدەرى بۇل اۋماقتاعى قانسورعىشتاردىڭ دەرناسىلدەرى ءالى بەلسەندىلىك تانىتىپ وتىرعان جوق دەيدى.

ەسكە سالا كەتەيىك، پاۆلودار وبلىسىندا شىبىن-شىركەيگە قارسى حيميالىق وڭدەلەتىن اۋماق كولەمى ۇلعايىپ، 127 مىڭ گەكتار جەرگە بيولوگيالىق پرەپارات شاشىلادى

پاۆلودارعا شىبىن-شىركەيدى اۋەدەن ۋلايتىن 8 ۇشاق ۇشىپ كەلدى.

اۆتور
مۇرات اياعان