ۋكراينانىڭ جاڭا پرەمەر-ءمينيسترى تاعايىندالدى
استانا. KAZINFORM - ۋكرايندىق جوعارعى رادا دەنيس شمىگال وتستاۆكاعا كەتكەننەن كەيىن ۋكراينا پرەمەر-ءمينيسترى قىزمەتىنە يۋليا سۆيريدەنكونى بەكىتتى، دەپ حابارلايدى UNN.
كۇنى كەشە ۋكراينا پرەزيدەنتى ۆلاديمير زەلەنسكي وعان ۇكىمەتتى باسقارۋدى ۇسىندى. سۆيريدەنكونى تاعايىنداۋعا 262 حالىق قالاۋلىسى داۋىس بەردى.
16-شىلدەدە جوعارعى رادا پرەمەر-مينيستر دەنيس شمىگالدىڭ وتستاۆكاعا كەتۋىن قولدادى. ونىمەن بىرگە ۋكراينانىڭ بۇكىل ۇكىمەتى اۆتوماتتى تۇردە وتستاۆكاعا كەتتى.
2019-جىلى يۋليا سۆيريدەنكو ءمينيستردىڭ ورىنباسارى، ال 2020-جىلدىڭ شىلدەسىنەن باستاپ ۋكراينانىڭ ەكونوميكالىق دامۋ، ساۋدا جانە اۋىل شارۋاشىلىعى ءمينيسترىنىڭ ءبىرىنشى ورىنباسارى بولىپ تاعايىندالدى.
2020-جىلدىڭ جەلتوقسان ايىندا پرەزيدەنت ءىس باسقارماسى باسشىسىنىڭ ورىنباسارى قىزمەتىن اتقاردى.
2021-جىلدان باستاپ ۋكراينا پرەمەر-ءمينيسترىنىڭ ءبىرىنشى ورىنباسارى - ەكونوميكا ءمينيسترى قىزمەتىن اتقاردى.
بۇعان دەيىن ۋكراينا پرەمەر-ءمينيسترى دەنيس شمىگالدىڭ وتستاۆكاعا كەتكەنىن جازعانبىز.
