ۋكراينادا قازا تاپقان ش ق و تۇرعىندارىنا قاتىستى تەرگەۋ اياقتالدى
وسكەمەن. KAZINFORM - ۋكرايناداعى سوعىسقا بارىپ، قازا تاپقان شىعىس قازاقستان وبلىسىنىڭ تۇرعىندارىنا قاتىستى تەرگەۋ اياقتالدى.
ق ر ۇلتتىق قاۋىپسىزدىك كوميتەتى شىعىس قازاقستان وبلىسى بويىنشا دەپارتامەنتى وسكەمەن قالاسىنىڭ ەكى تۇرعىنىنا قاتىستى ق ر ق ك 172-بابى («شەتەلدىك قارۋلى قاقتىعىستارعا قاتىسۋ» ) بويىنشا سوتقا دەيىنگى تەرگەۋدى اياقتادى.
- اتالعان ازاماتتار 2024 -جىلى رەسەيگە شىعىپ، ۋكراينا اۋماعىنداعى شەتەلدىك قارۋلى قاقتىعىسقا قاتىسىپ، دونەسك وبلىسىندا اۋىر جاراقات الىپ، قازا بولعان. ولاردىڭ دەنەلەرى وسكەمەنگە جەتكىزىلدى. ساراپتاما قورىتىندىسىنا سايكەس، ءولىمنىڭ سەبەبى - جارىلىستار مەن جارىقشاقتاردان بولعان زاقىمدانۋلار سالدارىنان جەدەل ماسسيۆتى قان جوعالتۋ، - دەپ حابارلادى دەپارتامەنتتەن.
وسكەمەن قالاسىنىڭ №2 سوتىنىڭ قاۋلىسىمەن ق ر ق پ ك 35-بابى 1-بولىگى 11-تارماعىنا سايكەس ايىپتالۋشىلاردىڭ قايتىس بولۋىنا بايلانىستى قىلمىستىق ءىس توقتاتىلدى.
اۆتور
تالعاتجان مۇحامەتبەك ۇلى
