15:26, 15 - مامىر 2025 | GMT +5
ۋكراينا پرەزيدەنتى تۇركياعا باردى
استانا. KAZINFORM - ۋكراينا پرەزيدەنتى ۆلاديمير زەلەنسكي بەيسەنبى، 15-مامىر كۇنى تۇركيا استاناسى انكاراعا كەلدى، دەپ حابارلايدى انادولى.
ۋكراينا باسشىسى مىنگەن ۇشاق جەرگىلىكتى ۋاقىت بويىنشا 12:14-تە ەسەنبوگا اۋەجايىنا قونعان.
پرەزيدەنتتى اۋەجايدا ۋكراينا سىرتقى ىستەر ءمينيسترى اندرەي سيبيگا جانە باسقا دا رەسمي تۇلعالار قارسى الدى.
ۋكراينا باسشىسىنىڭ تۇركيا پرەزيدەنتى رەجەپ تايىپ ەردوعانمەن كەلىسسوز جۇرگىزۋى جوسپارلانىپ وتىر. كەزدەسۋ انكاراداعى پرەزيدەنتتىك كەشەندە وتەدى، دەلىنگەن حاباردا.
بۇعان دەيىن ا ق ش-تىڭ مەملەكەتتىك حاتشىسى ماركو رۋبيو ناتو-عا مۇشە ەلدەردىڭ سىرتقى ىستەر مينيسترلەرىنىڭ بەيرەسمي كەزدەسۋىنە قاتىسۋ ءۇشىن تۇركياعا بارعانىن جازدىق.
اۆتور
جاراسقان نۇرىبايەۆ
