ۋكراينا دەلەگاتسياسى ىستانبۇلداعى كەلىسسوزدەر قارساڭىندا ەردوعانمەن كەزدەستى
استانا. KAZINFORM - ۋكراينا دەلەگاتسياسى ىستانبۇلدا وتەتىن كەلىسسوزدەر الدىندا تۇركيا پرەزيدەنتى رەجەپ تايپ ەردوعانمەن كەزدەسۋ وتكىزدى، دەپ جازدى Telegram-ارناسىنا ۋكراينا پرەزيدەنتى كەڭسەسىنىڭ باسشىسى اندرەي ەرماك.
ەرماكتىڭ مالىمەتىنشە، رۋستەم ۋمەروۆ باستاعان ۋكراين دەلەگاتسياسىنىڭ انكارادا پرەزيدەنتتىك كەشەندە وتكەن كەزدەسۋى باسپا ءسوز وكىلدەرىنسىز ءوتتى. تاراپتار قاۋىپسىزدىك ماسەلەلەرى مەن قورعانىس سالاسىنداعى ىنتىماقتاستىقتى تالقىلاعان.
كيەۆ تۇركياعا كەلىسسوز الاڭىن ۇسىنعانى جانە ديپلوماتيالىق كۇش-جىگەرگە قولداۋ بىلدىرگەنى ءۇشىن العىس ايتتى.
سونداي-اق ۋكراينا دەلەگاتسياسى تۇركيا پرەزيدەنتىنىڭ اعا كەڭەسشىسى جانە سىرتقى ىستەر مينيسترىمەن كەزدەسكەن.
ۋكراين تاراپى ەندى ىستانبۇلدا رەسەي دەلەگاتسياسىمەن كەلىسسوزدەر وتكىزۋگە نيەتتى.
بۇعان دەيىن رەسەي پرەزيدەنتىنىڭ باسپا ءسوز حاتشىسى دميتري پەسكوۆ رەسەي مەن ۋكراينا دەلەگاتسيالارى اراسىنداعى ءۇشىنشى كەلىسسوز راۋندى 23-شىلدە كەشىندە ىستانبۇلدا وتەدى دەپ مالىمدەگەن بولاتىن.
سونىمەن قاتار ول رەسەيلىك دەلەگاتسيانىڭ ىستانبۇلعا جول تارتقانىن حابارلاعان.
