كۇنسۇلۋ زاكاريا قىزمەتىنەن كەتتى
استانا. KAZINFORM - مەملەكەت باسشىسىنىڭ وكىمىمەن كۇنسۇلۋ دالتون قىزى زاكاريا لاۋازىمىنان بوساتىلدى. بۇل تۋرالى اقوردا ءمالىم ەتتى.
- مەملەكەت باسشىسىنىڭ وكىمىمەن كۇنسۇلۋ دالتون قىزى زاكاريا قازاقستان رەسپۋبليكاسى پرەزيدەنتىنىڭ عىلىم جانە يننوۆاتسيالار ماسەلەلەرى جونىندەگى كەڭەسشىسى لاۋازىمىنان بوساتىلدى، - دەلىنگەن حابارلامادا.
كۇنسۇلۋ دالتون قىزى زاكاريا 1967-جىلى ۇلىتاۋ وبلىسى، قارساقپاي اۋىلىندا دۇنيەگە كەلگەن.
1989-جىلى ق. جۇبانوۆ اتىنداعى اقتوبە وڭىرلىك ۋنيۆەرسيتەتىن، 2022-جىلى م. ح. دۋلاتي اتىنداعى تاراز وڭىرلىك ۋنيۆەرسيتەتىن بىتىرگەن.
بيولوگيا عىلىمدارىنىڭ كانديداتى (1995)، بيولوگيا عىلىمدارىنىڭ دوكتورى (2002) عىلىمي دارەجەلەرى جانە دوتسەنت، قاۋىمداستىرىلعان پروفەسسور (1998)، پروفەسسور (2020) عىلىمي اتاقتارى بار.
دارىندى جاس عالىمدارعا ارنالعان مەملەكەتتىك ستيپەنديانىڭ يەگەرى (2002-2003).
ءال-فارابي اتىنداعى عىلىم جانە تەحنيكا سالاسىندا مەملەكەتتىك سىيلىقتىڭ لاۋرەاتى (2021).
قازاقستان رەسپۋبليكاسىنىڭ ەڭبەك سىڭىرگەن ونەرتاپقىشى.
وڭتۇستىك كورەياداعى K- Water كومپانياسىندا جانە يتالياداعى ۆەنەتسيا حالىقارالىق ۋنيۆەرسيتەتىندە تاعىلىمدامادان ءوتىپ، وقىدى.
ەڭبەك جولىن 1989-جىلى م. وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ بيولوگيالىق حيميا كافەدراسىنىڭ اسسيستەنتى بولىپ باستاعان.
1989-2006 ج. ج - ءبىرقاتار جوعارى وقۋ ورنىندا عىلىمي جانە عىلىمي-پەداگوگيكالىق قىزمەت اتقاردى.
2006-2008 ج. ج - قازاقستان رەسپۋبليكاسى قورشاعان ورتانى قورعاۋ مينيسترلىگى ورتالىق اپپاراتىنىڭ باس مامانى، باس ساراپشىسى.
2008-2013 ج. ج - «ۇلتتىق بيوتەحنولوگيا ورتالىعى» رەسپۋبليكالىق مەملەكەتتىك كاسىپورنى عىلىم دەپارتامەنتىنىڭ ديرەكتورى.
2013-2018 ج. ج - «رەسپۋبليكالىق ميكروورگانيزمدەر كوللەكتسياسى» رەسپۋبليكالىق مەملەكەتتىك كاسىپورنى باس ديرەكتورىنىڭ عىلىم جونىندەگى ورىنباسارى.
2018-2022 ج. ج - «بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى» رەسپۋبليكالىق مەملەكەتتىك كاسىپورنىنىڭ باس ديرەكتورى.
2022-جىلدىڭ 16-تامىزى - 2023-جىلدىڭ 12-ءساۋىرى ارالىعىندا «QazBioPharm» ۇلتتىق حولدينگى» ا ق باس ديرەكتورى قىزمەتىن اتقاردى.
2023-جىلدىڭ 12-ءساۋىرى - 2024-جىلدىڭ قاڭتارى ارالىعىندا قازاقستان رەسپۋبليكاسى پرەزيدەنتىنىڭ جانىنداعى «قازاقستان رەسپۋبليكاسى ۇلتتىق عىلىم اكادەمياسى» ك ە ا ق باسقارماسىنىڭ پرەزيدەنتى بولدى.
2024-جىلعى 22-قاڭتاردا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ عىلىم جانە يننوۆاتسيالار جونىندەگى كەڭەسشىسى قىزمەتىنە تاعايىندالدى.
عىلىمي-تەحنيكالىق باعدارلامالارعا، سونىڭ ىشىندە 200 دەن استام عىلىمي جوباعا جەتەكشىلىك ەتتى. 250 دەن استام عىلىمي ەڭبەكتىڭ اۆتورى، سونىڭ ىشىندە بىرنەشە ماقالاسى حالىقارالىق دارەجەدەگى عىلىمي جۋرنالداردا جاريالانعان. پاتەنتتەلگەن 47 ونەرتابىستىڭ جانە 2 حالىقارالىق پاتەنتتىڭ اۆتورى. سونداي-اق وندىرىسكە ەنگىزىلگەن ۆاكسينالاردىڭ، سىناق-جۇيەلەرىنىڭ، بيوونىمدەردىڭ 18 يننوۆاتسيالىق تەحنولوگياسىن ازىرلەگەن. COVID-19-عا قارسى وتاندىق QazVac ۆاكسينا ازىرلەۋشى توبىنىڭ باسشىسى. يممۋنوبيولوگيالىق پرەپاراتتاردى شىعاراتىن ورتالىق ازياداعى ءبىرىنشى تولىق تسيكلدى زاۋىتتىڭ تەحنولوگيالىق جەلىسى بويىنشا كەڭەسشىسى جانە ساراپشىسى.
«حالىق العىسى» مەدالىمەن (2020)، «قۇرمەت» وردەنىمەن (2023) ماراپاتتالعان.
ۇلىتاۋ وبلىسىنىڭ قۇرمەتتى ازاماتى (2023).
