كۇننىڭ بۇزىلۋىنا بايلانىستى ءۇش وبلىستاعى جولداردا كولىك قوزعالىسى شەكتەلدى

استانا. قازاقپارات  - 2026 -جىلعى 6 -اقپان ساعات 19:00-دە كۇننىڭ بۇزىلۋىنا بايلانىستى اقمولا، پاۆلودار جانە جامبىل وبلىستارىنداعى رەسپۋبليكالىق ماڭىزى بار اۆتوجولداردا جولاۋشىلار تاسىمالدايتىن رەيستىك اۆتوبۋستار مەن جۇك كولىكتەرىنىڭ قوزعالىسىنا شەكتەۋ ەنگىزىلەدى.

بۇل تۋرالى «قازاۆتوجول» مەكەمەسى حابارلادى.

اقمولا وبلىسى:

- «استانا - شىدەرتى - پاۆلودار - ۋسپەنكا - ر ف شەكاراسى» اۆتوجولىنىڭ 16 - 200 شاقىرىم ارالىعى (استانا قالاسى - پاۆلودار وبلىسىنىڭ شەكاراسى)؛

پاۆلودار وبلىسى:

- «استانا - شىدەرتى - پاۆلودار - ۋسپەنكا - ر ف شەكاراسى» اۆتوجولىنىڭ 200-431 شاقىرىمى ارالىعى (اقمولا وبلىسى شەكاراسى - اتامەكەن اۋىلى)؛

جامبىل وبلىسى:

«ر ف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس - ق ح ر شەكاراسى، قورداي اسۋىنىڭ جاڭا اينالما جولى» اۆتوجولىنىڭ 159-238 شاقىرىمى ارالىعىندا (كەنەن اۋىلىنان قاينار اۋىلىنا دەيىن).

جولدى 2026 -جىلعى 07 -اقپان ساعات 08:00-دە اشۋ جوسپارلانعان.

وسىعان دەيىن قاراعاندى وبلىسىندا بىرنەشە باعىتتا كولىك قوزعالىسى توقتاتىلاتىنى تۋرالى جازدىق.