كۇنگە، كولەڭكەگە، جاڭبىرعا سالىق: الەم ەلدەرىندەگى ەرەكشە سالىقتار

قازىرگى زاماندا كەيبىر ەلدەردە ادامدار كۇننىڭ كوزىنە، كولەڭكەگە، ءتىپتى جاڭبىرعا دا سالىق تولەيدى. بۇل سالىق تۇرلەرى العاش ەستىگەندە وعاش كورىنگەنىمەن، ولاردىڭ كوپشىلىگى قورشاعان ورتانى قورعاۋ مەن تاريحي مۇرانى ساقتاۋ ماقساتىندا ەنگىزىلگەن.

كولەڭكە سالىعى - يتاليا

1993 -جىلدان باستاپ ۆەنەتسيادا دۇكەندەر مەن ءدامحانالار يەلەرى وزدەرىنىڭ شاتىرلارى نەمەسە تەنتتەرى مۋنيتسيپالدىق جەرگە كولەڭكە تۇسىرسە، ارنايى سالىق تولەيدى. بۇل شارا قالانىڭ تاريحي ساۋلەتتىك كەلبەتىن ساقتاۋعا باعىتتالعان.

جاڭبىرعا سالىق - پولشا

پولشادا Podatek od deszczu دەپ اتالاتىن سالىق بار. بۇل سالىق عيماراتتار مەن سۋ وتكىزبەيتىن بەتتەر (شاتىر، اسفالت جانە ت. ب. ) ارقىلى تابيعي سۋ اعىنىن بۇزاتىن جەر يەلەرىنەن الىنادى. بۇل كليماتتىڭ وزگەرۋىنە قارسى كۇرەستىڭ ءبىر بولىگى.

كۇنگە سالىق - يسپانيا

بالەار ارالدارىندا (يسپانيا) تۋريستەر سانىنىڭ ارتۋىنا بايلانىستى «كۇن سالىعى» ەنگىزىلگەن. تۋريستەر كۇن سايىن 1 ەۋرو كولەمىندە سالىق تولەيدى. بۇل قاراجات جاعاجايلاردى تازالاۋعا جانە ينفراقۇرىلىمدى دامىتۋعا جۇمسالادى.

تاياقشا سالىعى - قىتاي

قىتايدا اعاشتان جاسالعان ءبىر رەتتىك تاياقشالار ءۇشىن %5 سالىق قاراستىرىلعان. سەبەبى جىل سايىن 25 ميلليونعا جۋىق اعاش وسى ءونىمدى ءوندىرۋ ءۇشىن كەسىلەدى. ۇكىمەت حالىقتى قايتا پايدالانۋعا بولاتىن قۇرالداردى قولدانۋعا ىنتالاندىرۋدا.

باربەكيۋ سالىعى - بەلگيا

بەلگيانىڭ ۆاللونيا ايماعىندا اشىق اسپان استىندا باربەكيۋ جاساعان ءار رەت ءۇشىن 20 ەۋرو سالىق تولەنۋى ءتيىس. بۇل شارا پارنيكتىك گازدار شىعارىندىلارىن ازايتۋعا باعىتتالعان. ءتىپتى بۇل تالاپتىڭ ورىندالۋىن باقىلاۋ ءۇشىن دروندار مەن تىكۇشاقتار دا قولدانىلادى.

بۇل - ەرەكشە سالىقتاردىڭ از عانا بولىگى. سوندىقتان شەتەلگە شىققاندا، كولەڭكەڭىز ءۇشىن دە اقى تولەۋىڭىز مۇمكىن ەكەنىن ۇمىتپاڭىز!