كۇن كۇركىرەپ، بۇرشاق جاۋادى: ءۇش تاۋلىككە ارنالعان اۋا رايى بولجامى

استانا. KAZINFORM - قازگيدرومەت 2، 3، 4-ساۋىرگە ارنالعان اۋا رايى بولجامىن جاريالادى.

ەلىمىزدىڭ سولتۇستىگىندە، شىعىسىندا جانە وڭتۇستىك-شىعىسىندا جاۋىن-شاشىنسىز، جىلى اۋا رايى ساقتالادى. ال باتىس وڭىرلەرگە وڭتۇستىك تسيكلون اسەر ەتىپ، اۋا رايى تۇراقسىز بولادى. تسيكلون شىعىسقا قاراي جىلجىعان سايىن سولتۇستىك، ورتالىق جانە وڭتۇستىك وڭىرلەردە نايزاعاي ويناپ، جاڭبىر جاۋادى، كەي ۋاقىتتا نوسەر بولجانىپ وتىر.

جەل كۇشەيەدى، كۇندىز سولتۇستىك-باتىستا بۇرشاق جاۋادى. تۇنگى جانە تاڭعى ۋاقىتتا تۇمان تۇسەدى.

كۇندىزگى اۋا تەمپەراتۋراسى:

سولتۇستىك-باتىس پەن سولتۇستىكتە 15+25+ گرادۋستان 12+20+ گرادۋسقا دەيىن تومەندەيدى،

وڭتۇستىكتە 27+32+ گرادۋستان 18+25+ گرادۋسقا دەيىن تومەندەيدى،

باتىستا 13+20+ گرادۋستان 18+25+ گرادۋسقا دەيىن جوعارىلايدى،

شىعىستا 18+26+ گرادۋسقا دەيىن كوتەرىلەدى،

ورتالىقتا 15+25+ گرادۋس شاماسىندا ساقتالادى،

وڭتۇستىك-شىعىستا 25+30+ گرادۋس بولادى.