كۇن بەتىندە سوڭعى بەس جىلداعى ەڭ قۋاتتى جارىلىس بولدى
استانا. KAZINFORM - سارسەنبىگە قاراعان ءتۇنى كۇن ساۋلەسىندە كۇن بەلسەندىلىگىنىڭ وسى سيكلىندەگى ەكىنشى ەڭ قۋاتتى جارىلىس بولدى. بۇل تۋرالى رەسەيدىڭ قولدانبالى گەوفيزيكا ينستيتۋتى حابارلادى، دەپ جازادى ت ا س س.
- 2-قازاندا استانا ۋاقىتىمەن 03:20 دا رەنتگەن دياپازونىندا 3842 (S16E16) كۇن داقتارى توبىندا ۇزاقتىعى 31 مينۋت بولاتىن X7.1 الاۋ انىقتالدى، - دەلىنگەن حابارلامادا.
2019 -جىلدىڭ جەلتوقسانىندا باستالعان اعىمداعى سيكلدەگى اسا كۇشتى جارقىل تەك ءبىر رەت - 2024 -جىلدىڭ 14-مامىرىندا بولدى. ول X8.7 دەپ باعالاندى، مۇنداي قۇبىلىس 2017 -جىلدان بەرى بولماعان.
رەسەي عىلىم اكادەمياسىنىڭ عارىشتىق زەرتتەۋلەر ينستيتۋتى كۇن استرونومياسى زەرتحاناسىنىڭ جانە رەسەي عىلىم اكادەمياسىنىڭ ءسىبىر بولىمشەسىنىڭ كۇن-جەر فيزيكاسى ينستيتۋتىنىڭ سايتىنداعى اقپاراتقا سايكەس، جارقىل كۇن ديسكىسىنىڭ ءدال ورتاسىندا جەرگە ماكسيمالدى ىقپال ەتۋ ايماعىندا پايدا بولدى.
رەنتگەن ساۋلەلەنۋىنىڭ قۋاتىنا بايلانىستى كۇن جارقىلى بەس كلاسقا بولىنەدى: A، B، C، M جانە X. ەڭ از A0.0 كلاسى جەر وربيتاسىنداعى 1 شارشى مەترگە 10 نانوۆاتتىق رادياتسيالىق قۋاتقا سايكەس كەلەدى. كەلەسى ارىپكە وتكەندە قۋات 10 ەسە ارتادى. ادەتتە جارقىل كۇن پلازماسىنىڭ شىعارىندىلارىمەن بىرگە جۇرەدى، ولار جەرگە جەتىپ، ماگنيتتىك داۋىلداردى تۋدىرۋى مۇمكىن.
