كەلەسى جىلى ەڭ تومەنگى ەڭبەكاقى 85 مىڭ تەڭگە بولادى

استانا. KAZINFORM - قارجى مينيسترلىگى 2026-2028 -جىلدارعا ارنالعان بيۋدجەتتىڭ جوباسىن تالقىلاۋعا شىعاردى.

قۇجاتتا 2026 -جىلعى 1- قاڭتاردان باستاپ نەگىزگى قارجىلىق ەسەپتىك كورسەتكىشتەردىڭ قانشا بولاتىنى ايتىلعان.

اتاپ ايتقاندا:

1) جالاقىنىڭ ەڭ تومەن مولشەرى - 85 مىڭ تەڭگە؛
2) مەملەكەتتىك بازالىق زەينەتاقى تولەمىنىڭ ەڭ تومەن مولشەرى - 35596 تەڭگە؛
3) زەينەتاقىنىڭ ەڭ تومەن مولشەرى - 69049 تەڭگە؛
4) ايلىق ەسەپتىك كورسەتكىش - 4325 تەڭگە؛
5) بازالىق الەۋمەتتىك تولەمدەردىڭ مولشەرلەرىن ەسەپتەۋگە قاجەتتى ەڭ تومەن كۇنكورىس دەڭگەيىنىڭ شاماسى - 50851 تەڭگە بولىپ بەلگىلەنگەن.

بۇعان دەيىن دونور وڭىرلەر الداعى ءۇش جىلدا رەسپۋبليكالىق بيۋدجەتكە 3,3 تريلليون تەڭگە بولەتىنىن جازعان ەدىك.