كەلەسى جىلدان باستاپ جاڭا كولىككە 7500 دوللارلىق جەڭىلدىك بەرىلەدى
ادام سەنگىسىز ۇسىنىستىڭ كومەگىمەن كەلەسى جىلى ەلەكتر كولىگىن ساتىپ الۋعا بولادى. 7500 دوللارلىق جەڭىلدىك الۋ ادامداردى ەلەكتر كولىگىنە كوشۋگە ىنتالاندىرۋدىڭ تاماشا ءتاسىلى. ءبىراق ونى قازاقستاندىقتار قالاي قولدانادى؟ قازىردىڭ وزىندە ەلەكتر كولىگىن ساتىپ الاتىندارعا امەريكا قۇراما شتاتتارىندا جەڭىلدىكتەر بار. بۇنداي جەڭىلدىكتەردى الۋ جولدارى bgr.com سايتىندا جاريالاندى.

Aikyn.kz وسى ماتەريالعا سۇيەنە وتىرىپ، جەڭىلدىكتەردى الۋدىڭ جولدارىن تۇسىندىرەدى.
بۇل فانتاستيكالىق ۇسىنىس 2024 -جىلدان باستاپ ەنگىزىلەدى. ءوزىنىڭ ءداستۇرلى كولىگىن ەلەكتر كولىگىنە اۋىستىرۋدى ويلاعان تۇتىنۋشىلار ءۇشىن جاقسى ىنتالاندىرۋ دەپ سانالادى.
ا ق ش-تا جاڭا ەلەكتر كولىكتەرى ءۇشىن 7500 دوللارعا دەيىن جانە پايدالانىلعان كولىكتەر ءۇشىن 3500 دوللارعا دەيىن فەدەرالدىق سالىق نەسيەسى بەرىلەدى. ءبىراق امەريكالىق تۇتىنۋشىعا بۇل سومانى الۋ ءۇشىن سالىق ماۋسىمىنىڭ سوڭىن كۇتۋگە تۋرا كەلەتىن.
ەندى ەرەجە وزگەرگەن. 2024 -جىلدان باستاپ 7500 دوللارلىق جەڭىلدىكتى سالىق ماۋسىمىن كۇتپەي-اق، كولىكتى ساتىپ العان كەزدە قولدانۋعا بولادى. ديلەرلەر تۇتىنۋشىعا وسىنشا كولەمدە جەڭىلدىك جاساپ، 7500 دوللاردى تىكەلەي ا ق ش-تىڭ سالىق باسقارماسىنان ءۇش كۇننىڭ ىشىندە الا الادى.
بۇل جەڭىلدىك قانداي زاڭدا قاراستىرىلعان؟ ينفلياتسيانى تومەندەتۋ تۋرالى ا ق ش-تىڭ فەدەرالدىق زاڭى سالىق تولەۋشىلەرگە سالىق جىلى ىشىندە ساتىپ الىنعان جاڭا جانە پايدالانىلعان تازا كولىكتەر ءۇشىن نەسيە بەرەدى. زاڭنىڭ وسى نورماسى 2024 -جىلدىڭ 1-قاڭتارىنان باستاپ كۇشىنە ەنەدى. بۇل ساتۋشى مەن ساتىپ الۋشى تاراپتار ءۇشىن ۇلكەن جەڭىس.
جاسىل ەنەرگيانى جاقتاۋشىلار دا بۇنداي شەشىمدى قولداۋدا. جاڭا ساياسات ەلەكتر كولىگىن ساتىپ العىسى كەلەتىندەرگە دە، ونى ساتقىسى كەلەتىن ديلەرلەرگە دە پايدالى بولماقشى. جاڭا ەرەجە كۇشىنە ەنگەننەن كەيىن ەلەكتروموبيل ساتىلىمدارى جىلدامدايدى دەپ كۇتىلۋدە.
Tesla كولىكتەرىن ساتىپ الۋشىلارعا بۇل ەرەجە ايتارلىقتاي قولداۋ بولارى انىق. ال، قازاق تۇتىنۋشىلارى ءۇشىن ا ق ش-تان ەكسپورتتالاتىن ەلەكتروموبيلدەرگە بۇل جەڭىلدىكتەر قالاي اسەر ەتەتىنى، ازىرشە، بەلگىسىز.