كەلەسى دۇنيەجۇزىلىك كوشپەندىلەر ويىندارى قايدا وتەتىنى بەلگىلى بولدى

استانا. قازاقپارات - VI دۇنيەجۇزىلىك كوشپەندىلەر ويىندارى 2026 -جىلى قىرعىزستاندا وتەدى. بۇل تۋرالى قىرعىز رەسپۋبليكاسىنىڭ مادەنيەت، اقپارات، سپورت جانە جاستار ساياساتى ءمينيسترى التىنبەك ماقسۇتوۆ ءمالىم ەتتى.

باسقارما باسشىسى استانادا ءوتىپ جاتقان V دۇنيەجۇزىلىك كوشپەندىلەر ويىندارىندا قىرعىز سپورتشىلارى جوعارى ناتيجە كورسەتىپ جاتقانىن اتاپ ءوتتى.

«سىزدەرمەن جاقسى جاڭالىقتى بولىسكىم كەلەدى. قىرعىزستاننان باستاۋ العان دۇنيەجۇزىلىك كوشپەندىلەر ويىندارى 2026 -جىلى تۋعان جەرىندە وتەدى»، - دەدى ول.

ەكى جارىس كۇنىنىڭ قورىتىندىسى بويىنشا قازاقستان قۇراماسى 14 التىن، 3 كۇمىس جانە 8 قولا مەدال جەڭىپ الىپ، مەدالدار تىزىمىندە كوش باستادى.

قىرعىزستان 14 مەدال، ونىڭ ىشىندە 3 التىن، 7 كۇمىس جانە 4 قولا مەدالمەن ەكىنشى ورىندا.

بۇعان دەيىن ويىندارعا قىرعىزستاننان 268 ادامنان تۇراتىن دەلەگاتسيا قاتىساتىنىن حابارلاعان بولاتىنبىز.

قىرعىزستاننان كەلگەن سپورتشىلار سپورتتىڭ بارلىق تۇرىنە، سونىڭ ىشىندە ەكى ۇلتتىق ويىن - كوكبورى مەن كوكپارعا قاتىسادى.

اۆتور
زارينا تۋعانبايەۆا