كەلەر جىلى «ناۋرىز» يپوتەكالىق باعدارلاماسىنىڭ شارتتارى وزگەرەدى

استانا. قازاقپارات - كەلەر جىلى «ناۋرىز» يپوتەكالىق باعدارلاماسىنىڭ شارتتارى وزگەرەدى. ەندى دەپوزيتتە كوبىرەك اقشا بولۋى ءتيىس. ەڭ تومەنگى جيناق سوماسى 2 ميلليون تەڭگە.

بۇل تۋرالى وتباسى بانكىنىڭ ءتوراعاسى ءلاززات يبراگيموۆا مالىمدەدى. سونداي-اق جاڭا ەرەجەگە سايكەس، باستاپقى جارنا 20 پايىزدان 10 پايىزعا تومەندەتىلەدى. ءبىراق ول تەك جوندەۋ جۇمىستارىن قاجەت ەتپەيتىن، تازا ارلەۋدەگى پاتەرلەرگە عانا ەسەپتەلەدى.

ايتا كەتۋ كەرەك، قازىر باعدارلاماعا قاتىسۋشىلاردىڭ دەپوزيتتەرىندە 1 ميلليون تەڭگە بولۋى شارت. كونكۋرس جەڭىمپازى اتانعان سالىمشى، قىسقا مەرزىمدە، تۇرعىن ءۇي قۇنىنىڭ 20 پايىزىن سالۋى ءتيىس. ءبىراق بۇگىندە قاراستىرىلىپ وتىرعان 2,5 مىڭ ءوتىنىمنىڭ 39 پايىزى عانا وسى تالاپتارعا سايكەس كەلەدى ەكەن.

ءلاززات يبراگيموۆا، «وتباسى بانكى» ا ق باسقارما ءتوراعاسى:

- ەگەر ازاماتتار وبلىس ورتالىعىنداعى 10 ميلليون تەڭگەنىڭ پاتەرىن قاراستىرسا، وندا قازىر 20 پايىز باستاپقى جارناسىن ەنگىزۋى كەرەك. قازىر ءبىز سالىمشىلارعا ءتيىمدى ۇسىنىس جاساعىمىز كەلىپ وتىر. سەبەبى باعدارلاماعا قاتىسقىسى كەلەتىن ازاماتتاردىڭ سانى ارتىپ، 64 مىڭعا جەتتى. نەگىزى «ناۋرىز» باعدارلاماسى ماۋسىم ايىندا ىسكە قوسىلدى. ءبىراق تەك قازىر عانا سالىمشىلار باعدارلامانىڭ ۋاقىتىن ۋزارتۋدى سۇراپ وتىر. سوندىقتان كەلەر جىلى ونىڭ شارتتارى وزگەرەدى. قازىر «وتباسى بانكىندە» ناۋرىزدان بولەك وتاۋ باعدارلاماسى دا جۇمىس ىستەپ تۇر. بيىلدىڭ وزىندە 25 مىڭنان استام جانۇيا ءوزىنىڭ باسپاناسىنا يپوتەكا ارقىلى قول جەتكىزدى.

24.kz