كيەفسي «حالال» ءونىم بە؟

 قازاقستانداعى KFC مەيرامحانالار جەلىسى - سۇرانىسقا يە تاماقتاناتىن ورىنداردىڭ ءبىرى. 

KFC
Фото: Shutterstock

الايدا ەل ىشىندە «بۇل مەكەمە ونىمدەرى «حالال» ما، جوق پا؟» دەگەن داۋلى سۇراق بار.

وسىعان وراي bugin.kz اتالعان تاماقتانۋ ورنىنىڭ «حالال» سەرتيفيكاتىن العان-الماعانى تۋرالى سۇراستىرعان ەدى.

«كەلىسىمشارت قايتا جاسالمادى»

العاشقى بولىپ، قازاقستان مۇسىلماندارى ءدىني باسقارماسىنىڭ حالال ونىمدەرىن ستاندارتتاۋ بولىمىمەن حابارلاسقان ەدىك. مالىمەت بويىنشا، ەكى مەكەمە اراسىنداعى كەلىسىمشارت قايتا جاسالماعان.

«2018 -جىلدىڭ 12-جەلتوقسانىندا KFC رەستوراندار جەلىسىنە بەرىلگەن «ق م د ب حالال» سەرتيفيكاتى قايتارىپ العان. بۇعان «ق م د ب حالال ستاندارتى» تالاپتارىنىڭ ساقتالماۋى سەبەپ بولدى. قازىرگى تاڭدا «حالال دامۋ» مەن The Caspian International Restaurants Company KFC مەكەمەسى اراسىندا سەرتيفيكاتتاۋعا قاتىستى قايتا كەلىسىمشارت جاسالمادى. ءبىراق كوپشىلىك سۋرەتكە ءتۇسىرىپ، «حالال» سەرتيفيكاتى بار دەگەن سەكىلدى حابارلامالاردى ءجيى جولدايدى. بۇل KFC ونىمىندەگى قاپتاماداعى «ق م د ب حالال» تاڭباسى حالال سەرتيفيكاتىن قايتا العانىن بىلدىرمەيدى. ناقتى مۇنى كومپانيا وكىلدەرىنەن سۇراساڭىزدار دۇرىس»، - دەلىنگەن حابارلامادا.

«ءونىم ساپاسىنا ءمان بەرەمىز»

الايدا KFC مەيرامحانالارىنىڭ جەلىسى بۇل اقپاراتپەن كەلىسپەيتىنىن ايتتى. ولاردىڭ ايتۋىنشا، KFC مەيرامحانالارى تەك قانا حالال ونىمدەرمەن جۇمىس ىستەيدى.

«KFC قازاقستانداعى مەيرامحانالار جەلىسى 2018 -جىلدىڭ 11-جەلتوقسانىنان باستاپ «قازاقستاننىڭ حالال يندۋسترياسى قاۋىمداستىعى» ز ت ب حالال سەرتيفيكاتتاۋ جونىندەگى حالىقارالىق ورگانمەن كەلىسىمشارت جاساستى. مەرزىمى 2023 -جىلدىڭ جەلتوقسانىنا دەيىن بەرىلدى. سەرتيفيكاتىمىزدى دا كورسەتە الامىز. ءبىز ونىمدەرىمىزدىڭ ساپاسىنا قاتتى ءمان بەرەمىز. سول ءۇشىن دە تۇتىنۋشىلارىمىزعا قورىقپاي كەلۋگە شاقىرامىز»، - دەلىنگەن حابارلامادا.

سونداي-اق مەكەمە باسشىلىعى KFC قازاقستان مەيرامحانالار جەلىسى قانداي كومپانيالارمەن جۇمىس ىستەيتىنىن ايتىپ ءوتتى.

«ءبىز ونىمدەردى «بەلايا پتيتسا» (رەسەي)، «سموليەۆيچ برويلەر» (بەلارۋس) قۇس فابريكالارى، سونداي- اق ءىرى وتاندىق تاۋىق ونىمدەرىن وندىرۋشىلەر – ۋ ك پ ف جانە «كۋروچكا ريابا» (قازاقستان) ونىمدەرىنەن ساتىپ الامىز»، - دەلىنگەن اقپاراتتا.

اتالمىش مەكەمەگە «حالال» سەرتيفيكاتىن بەرگەن ۇيىمنىڭ تولىق اتاۋى - «قازاقستان حالال يندۋسترياسى قاۋىمداستىعى». بۇل ۇيىم 2005 -جىلى ق م د ب رۇقساتىمەن قۇرىلعان. استانا قالاسىندا ورنالاسقان بۇل ۇيىممەن بايلانىسقا شىعا المادىق. ازىرگە مەملەكەت تاراپىنان رۇقسات بەرىلگەن نە جەكەمەنشىك ۇيىم ەكەنى انىقتالمادى.

سوڭعى جاڭالىقتار